Zakariyya 13:2 - NABUWWA KEE MALIKWA

² «Too ayro Yalla axcuk aqbuduk sugen duyyey xeet kee cooxuk bicseenihiyyah migooqa baaxok bayseyyo. Tohuk wadir too duyye num kassitak maraaqa. ‹Nabi kinniyo› iyya mara bayseyyooh; nadaasak tan roocaaniyyay ken yaabissahiyya baaxok ayyaaqeyyo.

Zakariyya 13:2 ပူးပေါင်းရင်းမြစ်များ

1 Malikwa 22:22

YALLI, ‹Mannal abettooh?› iyye waqdi, ‹Gexxa exceh Acab nabuwwa diraabat yaabiseyyo› 'yaanam inte. YALLI too waqdi, ‹Gexay, kaa ayris, ku gabal bicelek› 'yaanam axcih uble» kaak iyye.

Yasaqya 2:20

Too ayro dahab kee lakqok bicsen duyyey yalla 'yeenih aqbuduk sugeenihiyya baaxot qideloonuuh; woo duyye elle qiden arac gablâ-kimbir kee hantuuti-dabqi akkele.

Ermiyaas 29:23

Ellecabol keenit takku waytam tamahaay; tamah keenit akah takku waytam, oson edde asan kaxxa dambih sabbata. Cuggaaneh keenik yan marih agabu dalwisan. YALLI nek iyye axcuk, YALLI keenik axce weem diraabah sinaamal yaceen. Taham YALLI isih keenik yuble qaadaay isih keenil akah sumaaqita. Taham intam YALLA›» axcuk, warkatal kutbeh heeh ruube.

Yacedkel 12:24

«Ahak wadir able ween wacyi nubleh iyya mara kee, akke waytu waytam akkele inta nabuwwa Israayil ummattah addat matablan.

Yacedkel 13:23

Tahaysa able wayten wacyiy ‹Nubleh› intaanahiyya kee, akke waytu waytaamay ‹Akkele› axcuk dirab akak teceenihiyyah dirab gaba kaleh. Anu YALLA kinniyom yok elle taaxigeeni'gidih, inni mara sin gabak currih ayyaaqeyyo» iyya.

Yacedkel 14:9

«Nabuwwak tiyak teeni aylahitta 'yeh, akke waytaamat yaabe kaa tekkek, kaa aylahissem yoo kinnim ixiga. Tonnah yan nabi Israayil ummatih addak ayyaaqeyyo.

Yacedkel 30:13

YALLAY Mulki lehiyya iyyeemih, «Moof deqsitta magaalal tan gabat bicsen duyyey yaqbudeenihiyya kee, yalla axcuk elle yaaminem keenik bayseyyo. Masri ahaysa abba mageya. Inkih yan rasut cunxo ruubeyyo.

Yacedkel 36:25

Xeet kee cooxuk bicsen duyyey aqbuduk sugteenihiyyah nadaasak taahirrowtaana'gidih, taahirik tan leet sin rifeyyo. Liton nadaasak sin kaqliseyyo.

Yacedkel 36:29

Nadaasa sin abba haytaamak, innih sin waaseyyo. Qulul sin akah gee waa innah, daro siinih tamaggay axceyyo.

Yacedkel 37:23

Tohuk wadir, anu niqibyo xeet kee cooxuk bicsen duyyeh qibaada kee, dambi abittot nadaasa isinni maaban. Yoo hawwenna heenih abak sugen dambik qafu keenih axceyyo. Ken taahirroyseyyooh; yi ummat akkeloonuuh, anu ken Dagelta akkeyyo.

Yacedkel 43:7

Yok iyyeemih, «Bani-adantow, amah yok dardaarinni korsih araca. Anu ta'kkel Israayil mara lih aneyyo. Abbootanah innih ken amol gaceyyo. Israayil mara kee ken malikwa ahak wadir xeet kee cooxuk bicsen duyyeh qibaadat yi migaq mabaysan. Ken malikwah raysitte fayya le aroocay xeet kee coox elle yaqbudeenihiyyal aagaquk migaq yok mabaysan.

Yacedkel 6:6

Israayil magaalooli suge waytem ceelak cabba heeyyo. Oson yaqbuden duyye kee sadgat elle aban arac riira abeyyo. Abba heenim inkih, suge wayteh innah, keenik heeyyo.

Hosiqa 14:8

Israayil maraw, ahaysa xeet kee cooxuk bicsen duyyeh intit yoo tableenim siinik moggola. Dooqa siinik oggoltaah sin dacrissem yoo. Anxax caxah innah sin silaalissem yoo. Eelli haan barkat siinit haytem yoo» iyye.

Hosiqa 2:17

Ahak wadir Baqal 'yaanamih galab xagi tet maha.

Hosiqa 2:19

Israayil ummatey, num barral akah rihima'nnah, anu innih sin haysiteyyo. Cakki kee qadaalatat sin xiiniseyyo. Ahaysa kulli way kacanu kee xuwaawat sin xiiniseyyo.

Miika 2:11

A mari faxam dirab keenil yecee nabiy ken duquurusa. ‹Qinabak bicsen kamri kee kamri darah innah siinih caxitele› keenik iyya nabi faxan» 'yaanam siinil gacse.

Xafanya 2:11

YALLI akak cunxitan umaane keenil ruubele. Addunyal yan mari yallah le duyyeeya foyya keenik abele. Too waqdi kulli mari, elle aninnaan baaxol, YALLA aqbudele» iyye.

Yoosuwa 23:7

Tonnah kaadu a sin addat raaqeh yan mara lih magacinaay; oson migaq akak xagan isinni gabak bicsen duyyey yalla akak iyyaanahiyyah migaq ken lih maxagina. Tohimih migaaqal nadri maculina. Too duyye maqbudinaay qibaadah gommoh akah maradina.