Zakariyya 12:11 - NABUWWA KEE MALIKWA

¹¹ Too ayro Yarusalaam mari, Hadad-Rimmon deqsittaamah Magiddo deqsitta booxal rookah ummat akah gacte innah, gacelon.

Zakariyya 12:11 ပူးပေါင်းရင်းမြစ်များ

2 Malikwa 23:29

Ayrok teena Masri malikiy migaaqah Nako deqsitak yenehiyya, Assuuriyah-malikih catoh, qaskar Fuurat-weeqaytu fanah ruube. Yoosiyaahu toh yuble waqdi, Magiddo deqsita aracal ken yayseede'gidih, keenih matre. Sarrak too qeebit edde rabe.

2 Aydaad 35:22

Takkay immay Yoosiyaahu qeebi kaat abaamal malseeh; tonna-leemiik Yallih yaabay Nako kaah warsahiyya cinna heeh qeebi gexoh ugte. Sarrak Magiddo deqsitta booxa fanah, kaa yaaxigeenimik aki num cella heeh, carbih gexe.

2 Aydaad 35:24

Edde suge gaarik kalla kaa heeniih, nammeyhaytô-gaarit korissa kaa heenih Yarusalaam fanah kaa been. Wokkel rabeh; malik kee malik buxah mara edde yaaguqen kabri aracat kaa yoogoqen. Yuuda kee Yarusalaam ummat yakkeenimik rookat kaah sugen.

Zakariyya 12:12

«Too rasul yan mari gulub-gulubuh kurrumma 'yeenih rookitelon. Dawuduk rade maraay, Naatanak rade maraay, Leewik rade maraay, Simqik rade mara kee wohuk kalah yan maray raqqa 'yehiyya, gulubuh kurrumma 'yeenih rookitelon. Baxsah gacca 'yeenih mariiy isi ikkel keenik rookitelon. Labha agabuk baxsimma 'teh rookitele» iyye.