Zakariyya 11:16 - NABUWWA KEE MALIKWA

¹⁶ Macaay intek, anu inni illit duwah num heeh an. Too duweeni bayele akak iyyen illih amo mawagita. Baye illi magorrisa. Biyaakite illi maqaffoysa. Hinnay kaadu qaafiyatak yan illi mayayloola. Takkay immay gabul le illik cado akmeleeh, xukcun keenik yirgiqeh baaxot qidele.

Zakariyya 11:16 ပူးပေါင်းရင်းမြစ်များ

Yasaqya 40:11

Illit dacayrih yan loyni, isi illi elle dacrisa'nnal, YALLI isi mara dacrisa. Illi-xaylo gabal quukah, aliilit xabba haah beya. Xale illi xuwaw luk beya» 'yaanam axcuk keenih waris.

Ermiyaas 23:2

Yoo YALLAY Israayil doore Dagelta kinnihiyya inni mara dacrisa akak exce marak axceemih, ‹Yi mara madacrisinniton. Fixixih ken rubteeniih baaxok ken baadisseenih. Ta saaku ta umaaney abteenihiyyah sin digaaleyyo› siinik axce.

Ermiyaas 23:22

Yi maroh addal, anu lih yaaba mara yakkeenimil, yi marah warisa keenik excem warisak yenen; away edde yanin umaane kee edde gexan uma gitak ken raaqisak yenen» 'yaanam iyye.

Yacedkel 34:10

Waara YALLAY Mulki lehiyya kinniyooh inni migaaqal xiibita'mmay axceemihii, yoo YALLAY Mulki lehiyya sin naqboyta kinniyom yok ixiga. Inni illi siinik beeyyo'mmay, tahak wadir duwah siinil maaca. Ahak wadir isinni amo dacrissoonay siinik maxcay, inni illi siinik cateyyooh, akami sin mahaa.

Yacedkel 34:16

«Baatem innih gorriseyyo; buxak baditit tanim innih gacseyyo. Muddumtem innih dayliseyyo; lakmissam innih qaffoyseyyo. Takkay immay gabul leeh qande lem bayseyyo. Macaay inteenik, anu qadlih aninnaanim aba loyna kinniyo.

Yacedkel 34:21

Biyaakitta ida tenek, ganaysaqtaanaah tet giqak, illik addak xiiriyak tayyaaqen.

Daaniyel 11:36

« ‹Suuriyah malik isih faxxa heem abak sugele. Yallitte akak inxicci 'yaanamak nabiyoh axcuk tirtirisele. Yallittek naba Dagelta kinni way, uma'nnal xaafele. Yalli kaa digaalla haam fan toh abak sugele'mmay, Yalli hununuh abeyyo inxicca 'yem abele.