Zakariyya 11:10 - NABUWWA KEE MALIKWA

¹⁰ Sarrak ‹Maqaane› deqsita caxxa butukku hee. Toh akah abem, anu innih baadal tan ummat lih heeh suge xagana bayisa'gidih abe.

Zakariyya 11:10 ပူးပေါင်းရင်းမြစ်များ

Ermiyaas 14:21

Isi nabnah sabbatah, darre net macabin. Yarusalaam magaalay ku dardaarinnih korsiy nabna lehiyya addal akak tani qaybik maqidin. Ne'lih abte qahdi duudus.

Yacedkel 24:21

Israayil marak intaamah, ‹YALLAY Mulki lehiyya siinik iyyaamah: Ama yi Qibaadah-Qarit kaxxam takkaleeniih intih wagittaanam siinit meqeeh, kaa fan gexxaanam kaxxam kicintoonuh immay, yooy YALLAH yani ama qari nadaasa abba heeleeh; too magaalal raqta say xaylo kee lab xaylo siinik seefit ambaxele.

Daaniyel 9:26

Too waktih ellecabot Yalli doore mirac tu luk suge waak, kaa qidelon. Woo magaala kee Yallih Qibaadah-Qari, qande le malikih qaskaray woo magaala tibbixehiyyah gabat finqitele. Ahimih ellecabo, Yalli bicse carbi kee finqa gabat luk, weeqi'nnah amaatele.

Hosiqa 1:9

Too waqdi YALLI kaadu kaak iyyeemih, «Tama awkak kaadu migaaqah Yi-Mara-Hinnon, 'yaanam inxic. Macaay intek, Israayil mari ahaysa yi mara hinnoonuuy, anu kaadu ken Dagelta hinniyo» iyye.

Zakariyya 11:7

Zakariyya iyyeemih, «Tonna leemiik, yasguudoonu waan illit loynah yan num ekkeeh; eddeey edde xukkot yan illit duwah gace. Namma caxxa gabat hee. Too namma caxxak caxxak teenak migaaqah ‹Maqaane› exceeh; aki caxxak kaadu migaaqah ‹Egla› exce. Too illi dacriseh.

1 Samuwel 2:30

Yoo YALLAY Israayil doore Dagelta kinnihiyya, ku buxah marak atu akak radde gulubut yan mari qumri keenik yanim fan yi taamah taamitta seeka akkelon 'yaanamal, duma xagana keenih culeh suge. Awayah tu gactek, woo xagni bagul keenih maan. Yoo yaynabe mara aynabeyyoh, yoo buri intit yable mara buri intit ableyyo.