Zakariyya 10:8 - NABUWWA KEE MALIKWA

⁸ Inni ummatah seeceyyooh, tittal ken gacseyyo. Umaanek ken cateyyo. Mangah duma akkuk sugeenih gideh ken abeyyo.

Zakariyya 10:8 ပူးပေါင်းရင်းမြစ်များ

1 Malikwa 4:20

Yuuda kee Israayil mari mangah arrooqih gide akkuk yeneeniih, isinnih elle faxen innal akamukuuy aaqabuk farcaanak yenen.

Yasaqya 44:22

Abten dambi kee umaane qamburreh innah siinik eyseerreh. Sin waddem yook, tonna kinnuk yol uduura» iyye.

Yasaqya 48:20

Tonna'mmay Baabeloonuk amaanah eweqa; Baabelon marak isillima. Ifricay qililisaay a xaagu kulli ikke iysixxiga. YALLI Yaqkuubuk rade maray kay naqoosah yanihiyya wadem baaxô-maggaraqa fanah gexay warisa.

Yasaqya 5:26

Yalli xer baaxol yan marah seeco abeeh, baaxô-maggaraqal yan mari yamaate'gidih seeco abe. Woo mari ah keeniiy; sissikuk ardat yamaateenih yanin.

Yasaqya 51:11

YALLI wade mari Siyon fanah aduurele; Siyon fanah qililisak africuk aduurelon. Too saaku aben farcatah kulli waqdi africelon. Cisab kee nadaama mayablan.

Yasaqya 7:18

«Too ayro YALLI Masri mari Niil weeqayti akak qimbisa ikkek kaaqayti innah edde yamaateeh; Assuuriyah mari kaadu isi baaxok diidaaleh innal edde yamaaten fooxay kaxxa asta keenih takku waytahiyya keenih abele.

Yasaqya 7:19

Too waqdi yakkeenimik goloh addaay gabloolih addaay coox guba kee, tonnah kaadu, qayso le aroocal mododelon.

Ermiyaas 33:22

Dawuduy yi naqasuh yenehiyyah durruyyat aymaggeyyo. Leewî-kedok rade mara kaadu tonnah assakaxxeyyo. Mangah qaraanal tan cutuuka kee baddi afal tan qiddey loowo num akak duude waah innah, loowo num akak duude waa mara ken abeyyo» 'yaanam iyye.

Hosiqa 1:10

YALLI iyyeemih, «Takkay immay Israayil mari loowo akak duudume waytah gide akkeloonuuh; mangah baddi-afih qiddeh gide akkelon. Anu, ‹Yi mara hinniton› keenik elle exce ikkel, wadir inni mara ken abeyyooh, Yallay waarahiyyah xaylo akkelon.

Miika 2:12

YALLI iyyeemih, «Israayil maraw, baatik raaqu waa mara inki ikkel gaaboyseyyo. Bar gasoh orbisan saqih innah tittal sin gacseyyo. Mangah, baaxol rob yan saaku mango qayso elle tooboke ikkel yaloole illih innah, gacetton» iyye.

Zakariyya 9:11

YALLI iyyeemih, «Yi maraw, qabal fidah akah caxitta 'ye xaganay sin kee yi fanal yanihiyyah taagah, sin maray casbit yani currih ayyaaqeeyyo. Oson elle yanin aracay keenih lee sinni qeelih inna lek ken kaleyyo.