Zakariyya 10:7 - NABUWWA KEE MALIKWA

⁷ Israayil mari carbil celeema akkele. Qinabak bicsen kamri yooqobe marih innah farcaanak gacelon. Keenik rade mari taham kassiteleeh; too waqdi YALLI ken kaxxa abbobtih xiqem kassitak ruffu axcelon.

Zakariyya 10:7 ပူးပေါင်းရင်းမြစ်များ

Yasaqya 25:9

Aham takku wayta saaku kulli num, «YALLI ni Dagelta kinnih, kibaal kaal hayneh, nee wadeh. Yalli kaa kinnih, kaa naamineh. Nee waddem kaa kinnuk, nafriceemiiy wallinnaama» axcelon.

Yasaqya 38:19

Anu koo akah faylisa'nnah, yan mari fayla koh aba. Addunyâ-bagul yan mara ku digga elle tan inna abbobti, xayloh warissa.

Yasaqya 54:13

Ku addal tan ummatta abtu waytam innih ken barseyyooh, meqe manooy amaanah ken xiiniseyyo.

Yasaqya 66:14

Aham akkih tablen waqdi ruffu axcetton. Qande kee qaafiyat akak geetton. Hay tonnal, YALLI isi naqoosa cataah naqboytit naqabu yaybulleem, kulli num aaxigele.

Ermiyaas 32:39

Inkih, inkim edde aboonu waan kas keenit heeyyo. Toh macaay intek, isinni kee isinni xayloh taagah, kulli way dibuk yoo edde yaqbudoonu waan afqado keenit heeyyo.

Yacedkel 37:25

Dabaaqah, yi naqasuh yan Yaqkuubuh ecee baaxoy oson akak raden ken kaxxa abbobti duma elle sugtel gacelon. Tokkel keeniiy ken xaylo kee ken ramad guubuh gacele. Too rasi kulli way kenim akkele. Yi naqasu Malik Dawud innah yan malik tokkel ken xiinisele. Kulli way abbah keenik waarele.

Ayyuqel 2:23

Siyon maraw, YALLAY sin Dagelta kinnihiyya siinih abem ubulay, ruffa 'xica. Duma elle ruubak suge'nnal, dabayba kee karmaay sugumul, dudda le rob siinih ruubeh yan.

Cabakkuk 3:18

taham inkih net takke way, YALLI yoo catam aaxaguk, ruffu axceeh, kaxxam tassa axce. Yi Dagelta assakooteyyo.

Xafanya 3:14

Israayiley, qililisay; tet ummatey, ruffa 'xica. *Yarsalaam magaalah maraw, baguuy afqadok wallita.

Zakariyya 12:8

Yooy YALLA kinni Yarusalaamal yan mara too ayro dacriseyyooh; gacca 'yaah, kaxxa boola keenik le num Dawud gide qandek aallele. Dawuduk rade mari yoo kee yi malaykattih innah ken miraacisele.

Zakariyya 9:15

YALLAY Nabaamak Naba isi ummat umaanek catele. Kay ummat naqboytiitik aysele. Qinabak bicsen kamrik cayyeh yiskire numih innah, qeebi booxal tirtiriselon. Naqboytiitik qabala caxelon. Ken naqboytiitih qabal, sadgatah qiden saqih qabalay sacnik sadgat elle aban mansaf bagul caxaanahiyyah innah caxitele.

Zakariyya 9:17

Baaxo too saaku kaxxam amqele. Baxuw kee furrayna inkih, mango daro kee qusbih bicsen qinab kamrik adoobitak ariiqo baahelon.

1 Samuwel 2:1

Canna YALLA faylisak inteemih, «Anu rufto akak liyom YALLA. YALLI yoh abe maqaanek gexxaamah qande baaheh, yoo niqibuk suge maral usuuleh. YALLI yoh abe maqaaneh kaxxam ruffu axce.