Zakariyya 10:6 - NABUWWA KEE MALIKWA

⁶ «Yuudâ mara maqar bahsiiseyyo. Israayil ummat umaanek cateyyo. Keenih xuwaawaah; tohih sabbatah ken baaxo ken gacseyyo. Duma keenil baahem edde hawwenna haan maqaane keenih abeyyo. YALLAY ken Dageltah yanihiyya kinniyooh; yoo fanah aban dooqa keenih oggoleyyo.

Zakariyya 10:6 ပူးပေါင်းရင်းမြစ်များ

Yasaqya 11:12

Yalli, asta-yakku-waa-qalam baadal-tan-ummattah heeleeh; Israayil kee Yuudâ-maray fixixeh sugehiyya baadak affara kaalibik gaaboysele.

Yasaqya 14:1

YALLI Israayil ummattah racmateleeh, isih doorite mara nammeyhaak ken abele. Dabqah elle sugen isinni baaxol gacoonay ken axcele. Aki baaxok yemeete mari wokke ken lih angaleleeh, dabqah ken lih gacele.

Yasaqya 41:10

Tonna'mmay anu sin lih anik, mameysitina. Sin Dagelti yook, niya siinik addigille waytay. Qande siinit heeyyooh sin cateyyo. Inni gabay qadaalat lehiyyat sin dacriseyyo.

Yasaqya 54:4

Qunxuk ten saaku kot rade biyak kot maqagitaay, gubnah innah edde sugte dibuukitiyyak katettoomih sabbatah, ahaysa qaybik maradda'mmay mameysitin; qaybik koo maqidaana'mmay niya isik margaqin.

Yasaqya 54:8

Dago waktih gide kaxxam kot bagcarriteeh darre kot cabeh suge'mmay, ahak wadir way koh maamay, koh nacruureyyooh, kulli way koo akcineyyo» 'yaanam kok iyyah yan. YALLAY koo wadahiyya tama'nnah kok iyya.

Ermiyaas 23:6

Kay dabaanal Yuudâ-mari waddiimeleeh, Israayil-mari amaanah xiinele. Too malikiy yamaatu waahiyya migaaqah, ‹YALLAY Cakki neh Yekke› deqsitele» iyye.

Ermiyaas 3:18

Too saaku Yuudah-ummatta Israayil-xaylot angaleleeh, sarrak marin baaxoy kilbat le kabul tanihiyyak aduureloonuuh; ken kaxxa abbobtih kulli waqdi ikoytah eceeh en rasu fan gacelon.

Ermiyaas 30:18

YALLI kaadu iyyeemih: «Yaqkuubuk radde kedooda le baaxo fan gacseyyo; num numuh keenih xuwaaweyyo. Yarusalaam magaala nammeyhaak xissiimele; teetil suge malik qariy yiddigillehiyya xissiimele.

Ermiyaas 30:20

Duma akah sugen marah ken gacseyyo; wadir yi qibaadal digga axcelon. Keenit xukkuta mara digaaleyyo.

Ermiyaas 31:1

YALLI iyyemii, «Too dabaanal Israayilik radde kedooda yi mara akkeloonuuh, anu amo keenik wagta Dagelta keenih akkeyyo. Tah intam yoo YALLA» 'yaanam iyye.

Ermiyaas 31:20

«Israayil ummatey, kulli marak kacanuh akah lafta xayloh yok tanin. Sin gide kacanuh numuh massalliyyo. Isin abtan umaanet yaabah immay, tohuh, sin kasa waqdi siinih xuwaawah. Afqado sin fanah liyooh siinih racmateyyo. Tah intam yoo YALLA.

Ermiyaas 31:31

«YALLI kaadu iyyeemih, «Israayil mara kee Yuudâ-mara lih qusba qahdi edde hayu waa ayroora amaatele.

Yacedkel 36:11

Ummat kee lac aymaggeyyo. Mango xaylo xalettoonuuh, dumak amaggetton. Dumak akah sugten innah tanoonay sin axceyyo. Dumak fuli gaddaliino siinit heeyyo. YALLA kinniyom too saaku yok aaxigetton.

Yacedkel 36:37

YALLAY Mulki lehiyya iyyeemih, «Israayil mari ahak sarra cato yol essereleeh, too waqdi illi innah ken aymaggeyyo.

Yacedkel 37:16

«Bani-adantow, caxxa baahay, ‹Yuudâ doolat kee kaa'lih yan Israayilih yooboke mara› 'yaanam bagul akak uktub. Kaadu gersi caxxa baahay, ‹Yuusuf-Efrayim kee kaa'lih yan Israayilih yooboke mara› 'yaanam elle uktub.

Yacedkel 39:25

YALLAY Mulki lehiyya iyyeemih, «Anu a saaku, Yaqkuubuk rade marah racmateyyo. Ahak sarra akah sugen gaddaleela ken abeyyo. Inni migaaqay taahirik yani dacriseyyo.

Hosiqa 1:11

Yuudâ mara kee Israayil-mari wadir kaadu angaleleeh inki mara akkelon. Inki amoyta haysitelon. Isinni baaxol gaddaleela akkelon. Yidraqel-ayro, kaxxa ayro akkele.

Hosiqa 1:7

Yuudâ marah tu gactek, keenih xuwaaweyyo. Yoo YALLAY ken Dagelta kinni ken cateyyo. Ken elle catu waam, carbi abitto hinnaay, seef kee gaysê-baxa hinnaay, faaris kee faaris amot yan mara hinnay, inni qandet ken cateyyo» iyye.

Hosiqa 14:9

Kas le mari a kitaabal yan yaabat radeleeh, afqadot raaqisele. YALLIH giti, cakkik yan gita. Cakki gitat gexa mari kay gita kataatele. Dambileelaay a yaabat baaqid mahaytaay, tohih sabbatah, kay giti adaf keenil yakke.

Hosiqa 2:23

Inni mara le baaxol nookiseyyooh, ken gaddaliseyyo. Racmat-Wee akak axcuk suge marah racmateyyo. Yi mara hinnon akak axcuk sugen mara, inni mara abeyyo. Yi mara kinniton keenik axceyyo. Ni Dagelta kinnitoh yok axcelon» iyye.

Qobadya 1:18

Yuuda kee Israayilih yooboke mari girah innah sahda cararisele. Qiisok rade mara, caffat gexxe girah innal, carariselon. Qiisok rade marak num maraaqa. Tahat yabtam yoo YALLA» iyye.

Miika 4:13

YALLI iyyeemih, «Yarusalaam maraw, gexay isinni naqboytit ibah iqita. Gayse birtak akak bicseenih, xukcuno nacaasak akak bicsen awurih innah qandeh sin heeyyo. Mango baaxoh marak qeebil aysetton. Oson umam abittot geen gaddaliino yoo fan baahelon. Anu YALLAAY; inkih yan baadal yan Goyta kinniyo» 'yaanam iyye.

Miika 4:6

YALLI iyyeemih «Anu digaale maray fixiixit yaniih ceyah addat yanihiyya, edde gaaboysu waa ayro amaatele.

Miika 5:3

Barra lab-baxa xaltam fanah, YALLI isi marat darre cabele. Tohuk lakal marin baaxol keenik yan mari isi baaxo fanah aduureleeh, isi marat angalele.

Miika 5:8

Israayil maray saaboh raaqehiyya marin baaxooxal marin marih addat, lubookay garboh addat raarissa akkelon. Illi addat radde lubookah innah, maasayya maasayyah ken kuramkurelon. Too illi lubak afak cattam akah ane wayta innah, Israayil marak ta mara cattu waytam matana.

Miika 7:16

Doolatwa tah tabalu wayta saaku, faxe cayla luk sugtaamah niya keenik butukka 'teh, af kee aytil gaba heelon.

Zakariyya 1:16

Ahaysa Yarusalaam emeeteh aniih, teetih racmateyyo. Yi Qibaadah Qari nammeyhaak xiseloonuuh, Yarusalaam kaadu nammeyhaak xissiimele. Tah intam yooy YALLAY Nabaamak Nabahiyya› 'yaanam siinik iyya, keenik inxic» yok iyye.

Zakariyya 10:12

Inni marat qande heeyyo. Yoo aqbudeloonuuh, yi yab aabbelon. Tahat yabtam yoo YALLA» iyye.

Zakariyya 13:9

Too maray saaboh raaqu waahiyya yakke mara keenik able'gidih, dahab kee lakqo girat elle yasiffiyen innah, girat asiffiyeyyo. Tohuk lakal dooqah gaba yol ruubelon; anu too dooqa keenik oggoleyyo. Yi mara kinnoonum keenih warseyyooh; oson kaadu ‹Atu ni Dagelta kinnito› axcelon» iyye.

Zakariyya 8:11

A saakuh tu gactek, away saaboh raaqe marak, dumî marak abak sugem maaba.

Zakariyya 9:16

Illi dacrisa loyni saq alak elle cata innal, YALLAY ken Dageltah yani isi mara isih iyye ayro wonnal catele. Kay mari kay baaxol jawharatak bicsen kalabtah innah ifele.