Zakariyya 1:14 - NABUWWA KEE MALIKWA

¹⁴ Too malaykatti, «A farmo ummatat qid» yok iyye. «YALLAY Nabaamak Nabahiyya siinik iyyaamah: ‹Anu Yarusalaam kee Siyon qaley teetil tani afqadook kiciyyooh; teetit umam takkem yoo biyaktah.

Zakariyya 1:14 ပူးပေါင်းရင်းမြစ်များ

Yasaqya 37:32

Macaay intek, Siyon-qale kee Yarusalaam magaalah addak baatik saaboh raaqe mari anele. Taham YALLAY Nabaamak Nabahiyya keenih le kaxxa kacanuk gexxaamah abele.

Yasaqya 38:22

Too waqdi Ciskiyyaahu, «Qaffotta exceh YALLIH Qari gexu duudem, innik elle aaxagu waam mannaay? Aham elle aaxige astah maca tan?» kaak iyyeh yen.

Yasaqya 40:1

Sin Dagelti qangara yaabe: «Yi ummatat niya hayisa; aytikuma keenik 'xica.

Yasaqya 40:2

*Yarsalaam xaylo lih yaaba; racmatta luk ken lih yaaba: ‹Mango biyak siinit yekke, mango waktih biyaakitten; aysa, biyak akket yaade. Abba hayten dambih inkih, dudda luk sin 'kah digaale; aysa dambik qafu geyten› 'yaanam inxica, warisa» 'yaanam iyye sin Dagelti.

Yasaqya 40:6

Allak qangara yol radde, «Farmo tanik waris» inte. Woo yaabal qangara gacse; «Maca axcoo? Maa farmo qidoo?» 'yaanam axcuk elle gacse. «Axcettoomu, warsettoomu: ‹Baaxol yooboke qobooru sahdayti kinnih, 'kah yanim; kay nabna qoboorih gide.

Yasaqya 42:13

YALLI, celem gaaduh elle gexa'nnal, gaaduh gexele. Carbih gexa num elle gexa'nnal, bagcarritak gexele. Qeebih tirtirisak naqboytiitik aysele.

Yasaqya 59:17

YALLI, qadaalat alil-dacayrî-birtih innah sarteeh, wadu birti-kalabtah innah haysiteeh, canê-gacsa sartan innah sarteeh, bagcarra raraytoh innah haysite.

Yasaqya 63:15

YALLAW, qaraanay taahiriino kee nabna luk elle tanihiyyak, nee fan wagit. YALLAW, nee waduh luk ten fayxi manke kok gexxe? Nee catuh luk ten qande maca tekke? Neh luk ten kacanu kee xuwaw maca yekke? Nee mamaaqilin.

Yasaqya 9:7

Kay abbootan osak oseleeh, ambaxe sinni amaan gacele. Dawud korsil gaceleeh, kay baaxol ellecaboh ayro fanah dardaarah anuk, qadli kee cakkih yan gitat xiinisele. Taham YALLAY Nabaamak Nabahiyya isi mara yaysiiseemih fayxi kee, keenih le kaxxa kacanuk akkele.

Yacedkel 36:5

«Yoo YALLAY Mulki lehiyya dariifal tan baaxooxah mara luk naqabut yaabah aniih, axcihiiy Edom lih naqabut yaaba. Yi baaxo been saaku farcatah rabakaay, iyyi maca nek abele 'yaanamah beeniih, saqi elle yaloole arooca isinnih haysiten.

Hosiqa 11:8

Kaadu qagseh iyyeemih, «Israayil maraw, siinit darre cabam yoh mabicta. Siinit takkeemik tibba axcem yoh matakka. Adma deqsita aracak akah abe'nnah, sin maay baysoo? Xiboyimil baahem siinil maay baahoo? Toh baaham maduuday, kaxxam sin kiciyyo.

Ayyuqel 2:18

Ellecabol YALLI isi baaxo kee isi mara akcinuk keenih xuwaaweeh keenih racmateh.

Naacum 1:2

YALLI isit massoowan faxa mara maqansiisa. Kaa niqbaah, kay yab cina maral cane gacsah. Kay naqabuk tamaate bala keenil obta.

Zakariyya 1:13

Too waqdi YALLI, yo'lih yaabe malaykattul meqe yaabay ruffu sinam haa gacse.

Zakariyya 1:17

Tohuk kalah too malaykatti yok iyyeemih, «YALLAY Nabaamak Nabahiyya iyyaamah: ‹Yi magaaloolil yan mara gaddaloola abeyyo. Yarusalaam qagitak anu doorite magaala akkeleeh; tet cateyyom ummatah waris› » yok iyye.

Zakariyya 1:9

Maqna akak yoh warsa'gidih, malaykatti tokkel suge. Tah uble waqdi woo malaykattuk, «A faroosa akkel akah tanim macaay?» exce. Malaykatti, «Ama faroosak maqna koh warisu waa» yok iyye waqdi,

Zakariyya 4:1

Taaxige yo'lih yaabak suge malaykatti yol yemeeteeh, xiinit suge numih innal, ugussu yoo heeh,