Zakariyya 1:12 - NABUWWA KEE MALIKWA

¹² Too waqdi YALLIH-malaykatti, YALLAK iyyeemih, «Nabaamak Naba YALLAW, taham fanah Yarusalaam magaala kee Yuudâ magaaloolil tan ummatah malcina-tabanih sanatih gide naqabut sugte. YALLAW, ahaysa ku racmatta keenil obtu waytam maa saaku?» iyye.

Zakariyya 1:12 ပူးပေါင်းရင်းမြစ်များ

2 Aydaad 36:21

Nabi Ermiyaas iyyem tonnal tunguddube. Too nabi ah keenit akkelem duma keenih warseh suge. Iyyeemihii, «A baaxol malcina-tabanih sanatah num dabaaqah elle magacaay, baaxo affoofele» 'yaanam iyyeh yen. Tonna leemiik abak suge ween affoofiyyi yanguddube'gidih, baaxo taamak toffoofe.

Yasaqya 47:6

Anu inni marat oomeh, marin mara ken abe. Sin gabal ken hee'mmay, keenih maracmatinniton. Idoolal kinni-way, duude waan quukay keenik naba keenil hayten.

Yasaqya 63:9

Ken taqabi kaa taqbiseeh, tonna leemiik luk suggu 'yen gadaamak ken yeyyeeqe. Ken waddem, malayka hinna YALLA ikkala. Keenih le kacanu kee isih le xuwaawak gexxaamah, ken cate. Dumî dabaanal kulli way amo keenik wagitak suge.

Ermiyaas 12:4

Baaxo nek qabaarah kafte. Toobokeh sugte qayso kaffa karacca 'te. Lac yembexeeh, qaraanal haada haadaytih agantah tembexeh. Toh akah tekkem, tet addal yan mari aba uma-taama. Oson kaadu ‹Yalli nanu abnam mayabla› 'yaanam afak iyyan. Ta mara hay, ma waqdi digaaletto?» 'yaanam exce.

Ermiyaas 15:17

Yasuule mara lih asal kee digirit inni wakti mabaysinniyo. Ku amrih oggoluh, dibuk gacca elle exce'kkel, ableh an umaane naqabu yot qidde.

Ermiyaas 29:10

« ‹Tonna'mmay Baabelon doolatah looweh an malcina-tabanih sanat guffa haa saaku, siinih looweh an maqaane siinih abeyyo. Toh macaay inteenik, siinik akah exce innah, inni qahdiy siinih cule duuduseyyooh, sin baaxo sin gacseyyo.

Ermiyaas 30:18

YALLI kaadu iyyeemih: «Yaqkuubuk radde kedooda le baaxo fan gacseyyo; num numuh keenih xuwaaweyyo. Yarusalaam magaala nammeyhaak xissiimele; teetil suge malik qariy yiddigillehiyya xissiimele.

Daaniyel 12:6

Keenik numuk teeni, *baftak bicsen meqe-sarot sartanah yen malaykattuy weeqayti amol soolak yenehiyyak iyyeemih, ‹A qajiibik tanim maa saaku fan sugeleeh?› iyye.

Daaniyel 9:2

Usuk edde reede naharsi sanatat, anu taahirik tan kitooba akrayuk, Yarusalaam abuuruh edde raqtu waytaamay YALLI nabi Ermiyaas lih edde yaabeh sugehiyyah acsubuk suge. Abuuruh malcina-tabanih sanat sugtu waytam uble.

Cabakkuk 1:2

Cabakkuk iyyeemih, «YALLAW, a mari nel baaha umaanek macah tibba 'taah, kot aba kallacik macah tibba 'ta? YALLAW, aham magid fan sugtu waytah tan!

Zakariyya 1:8

Numuy qasa farasih amot yani uble. Kaa elle ublem, goloh addal cebak-cooxih fanak ten. Kaak salafak qasa faroosaa kee burraacin faroosa kee qado faroosa soolah uble.

Zakariyya 7:5

«Seeka kee ummattak inkih intaamah: ‹A dabaanah malcina-tabanih liggidih gide, kulli sanatak konoyhaytoh alsa kee malcinhaytoh alsih addat abak sugten inki-inki ayroh soom akah abak sugteenim, yi nabna hinna.