Yoosuwa 9:6 - NABUWWA KEE MALIKWA

⁶ Sarrak Yoosuwa elle yinfiddige ikke fan yemeeteeniih; tokkel Yoosuwa kee Israayil marak iyyeenimih, «Xer baaxok yemeete mara kinninooh, qalla siinit haysinnam fanxa» keenik iyyen.

Yoosuwa 9:6 ပူးပေါင်းရင်းမြစ်များ

1 Malikwa 8:41

«Israayilih aabuke waamah faxe numuuy takkay, ku nabna kee ku qande kee cayla yaabbu waa waqdi kee, ku abini le innak xaagu geyu waa waqdi, a Qibaadah-Qaril dooqa aba'gidih xer baaxok yemeete kaa tekkek,

2 Malikwa 20:14

Sarrak nabi-Yasaqya Malik-Ciskiyyaahu fan yemeeteeh kaak iyyemii, «Too mari akak yemeetem ankeey? Kok iyyeenim macaay?» kaak iyye. Ciskiyyaahu kaak iyyemii, «Akak yemeeteenim, xer baaxoy Baabelon deqsittahiyya» iyye.

Yoosuwa 10:43

Tohuk gaba kalen waqdi, Yoosuwa kee kay qaskar woo elle yinfiddigeenih yenen aracay Gilgal deqsita fan yuduuren.

Yoosuwa 10:6

Too waqdi Gibqon mari Gilgal deqsita aracal yan Yoosuwah farmo ruubeeniih, iyyeenimii, «Ni amoytaw, Amoorâ malikway woo qaleelak tan baaxol tanihiyya takkeemiik lon qaskar inkih gaabossa heenih qeebi net abeenik, net takkeemik tibba maxcinay xayuk amay nee cata» kaak iyyen.

Yoosuwa 4:19

Ummatta Ordon weeqaytuk sanatak naharsi alsak tabanhaytoh ayrol tewqeeh; Gilgal deqsita aracay Yerikô-magaalak ayrô-mawqa le kabut raaqahiyyal yinfiddigen.

Yoosuwa 5:10

Israayil mari Yerikô-magaalah garil tan booxal Gilgal deqsita aracay elle yinfiddigeenil yanin waqdi, woo saaku edde sugen alsak taban kee fereyhaytoh ayrot carri waqla Elle-Tatriyyi-Qiid aben.

Yoosuwa 9:5

Labha kaadu qanxixe sarat gacca 'yeenih ibat kaadu yembexe kabel hayya heenih keenil yemeeten. Kaffa 'teh orongoobitte gaqambo kaadu gabat luk yemeeten.

Yoosuwa 9:9

Oson too waqdi kaak iyyeenimii, «Nanu YALLAY sin Dagelta kinnihiyyah xaagu noobbeh xer ikkek nemeete. YALLI Masril abba heem inkih noobbeh.