Yoosuwa 9:19 - NABUWWA KEE MALIKWA

¹⁹ Israayil abbobti keenik inteemih, «Nanu YALLAY Israayil doore Dagelta kinnihiyyah migaaqal Yalla-kee-xagna keenih culleeh; tonna leemiik tu keenil bahnam madudna.

Yoosuwa 9:19 ပူးပေါင်းရင်းမြစ်များ

Ermiyaas 4:2

gitah tanim taamitak, baguuk YALLAY waarahiyyah migaaqal xiibitteenik, tonnal ummatta inkih, ‹Yallaw, barkat net hay› yok axceloonuuh; yoo fayliselon» iyyah yan.

Yoosuwa 9:18

Tonna'mmay Israayil marih abbobti Gibqon marah YALLAY Israayil doore Dagelta kinnihiyyah migaaqal culen Yalla-kee-xagna kassiteeniih; tohoysa ken qidaanam keenih mabicinna. Tohih sabbatah Israayil mari yakkeenimiik, «Ah macah takke?» 'yaanamah Israayil abbobtil daqwat aben.

Yoosuwa 9:20

Too Yalla kee xaganih sabbatah, yanoonay ken innam nel tan. Yanoonay ken axce waynek, Yalli akah nee digaalele.