Yoosuwa 8:33 - NABUWWA KEE MALIKWA

³³ Tohuk gaba kalen waqdi, Israayil mara kee ken abbobtiiy doolat-abbobtiiy cokmaaba kee ken addat suggu 'ye beedi inkih, woo YALLIH Qahdih Sandug isinnik fanal hayya heenih, Leewih seekat afkanuk foocal soolen. Sahdak garab keenik Geriidim deqsitta qalet darre cabba heeh sooleeh; aki garab kaadu tonnah Qeebal deqsitta qalet darre cabba heeh soole. Ken fanal YALLIH Qahdih Sandug abbaxuk ten seeka solte. YALLIH naqasuh yen Muusa addunyal yan saaku, «Yallih barkat edde geyan wakti gufa waqdi tonnah aba» 'yaanam keenik iyyeh yen.

Yoosuwa 8:33 ပူးပေါင်းရင်းမြစ်များ

Yoosuwa 23:2

Tonna-leemiik Israayilik idoolaay kedoh abbobtiiy cokmaaba kee ummattâ qaskarih abbobtih inkih seeceeh, keenik iyyeemih, «Anu kaxxam idooliteh an.

Yoosuwa 24:1

Yoosuwa Seekem deqsita aracal Israayilik rade mara inkih gaaboyse. Tokkel idoola kee kedoh abbobtiiy cokmaaba kee ummattâ qaskarih abbobtih inkih seeco abeeh; oson Yallih Qibaadah Siraqih foocal gaaboowen.

Yoosuwa 3:14

Too keenik iyyem buqre edde orbisan waktih addak teneeh; weeqayti kaxxa lee luk yen. Tohuk lakal ummatta woo Ordon weeqaytuk tabaana'gidih elle sugen ikke cabeenih gexeeniih; too waqdi seeka, Qahdi-Sandug quukah abbaxuk, ummattak foocat taben. Seeka woo weeqaytih addat ibah culusse waqdi,

Yoosuwa 3:3

too waqdi keenik iyyeenimih, «Seeka, YALLAY sin Dagelta kinnihiyyah qahdi addat akak yan Sandug, quukah baahah tablen waqdi, litoonum ussukuqay ken kataata.

Yoosuwa 3:6

Sarrak seekak, «Isin kaadu Qahdi-Sandug luk ummattak foocat gexa» iyye. Seeka usuk iyyem abte.

Yoosuwa 4:10

YALLI Yoosuwah elle amrise innal, ummatta too taamak gaba kalla haytam fanah seeka wokkel elle soolak sugte. Tonnal Yoosuwa Muusa elle iyye'nnal abe. Raqqa iyye mari weeqaytuk sissikuk tabe.

Yoosuwa 4:18

Seeka Ordon weeqaytuk akah tabte innaak, weeqayti kaxxa weeqah weeqe.

Yoosuwa 6:6

Too yab yoobbek lakal, Yoosuwa seekah seeceh annah keenik iyye. «YALLIH-Qahdih-Sandug beyaay malcina seekiy maruw gaysak bicsen baanta lehiyya foocat isinnik haa. ‹Woo Qahdih Sanduguk foocat gexa› keenik inxica» iyye.