Yoosuwa 8:28 - NABUWWA KEE MALIKWA

²⁸ Yoosuwa woo magaalat gira ruubeeh abur tet abe. Too arac uxih a saaku fan abuuruh yan.

Yoosuwa 8:28 ပူးပေါင်းရင်းမြစ်များ

2 Malikwa 19:25

«Anu aham dumaak takku waytaamal malseh sugem maabbito'nnaa? Away woh absissem yoo. Woo gasoosa maroh edde tan magaalooli riira edde abte qande koh teceem yoo.

Yasaqya 17:1

Damaskoh giddinaamak ruuben farmo ah teeti. YALLI iyyemii, «Damaskoh magaala ahak wadir magaala matakkay abur akkele.

Yasaqya 25:2

Magaala huna abte, YALLAW, suge wayteh innal cabte. Gasot maroh tan magaalay naqboytak waaso luk sugte abuuruh cabteh, huna abte. Marin marih kaxxa qarwa duma elle sugte magaala suge wayteh innal cabte. Too magaala tohuk wadir nammeyhaak way maxissimta.

Ermiyaas 49:2

Qammon rasuk inaytâ-magaalay Rabba deqsittal yakku waa qeebik xongolo edde oobba haan wakti amaatele. Too magaala abuuruh raaqele. Tet dariifal tan gaandoodi carriselon. Israayil mari isinni baaxoy keenik beeni gacsitelon.

Ermiyaas 50:26

Kulli gambik tet fanah ama. Tet addal tan riigitte faka. Orobte daro inki aracal elle gaaboysan innah, tet addal tanim inki aracal gaaboysak tittak bagul haay, bayisa. Tu tet bagul macabinay inkih bayisaay abuuruh caba.

Ermiyaas 9:11

YALLI yok iyyemii, «Yarusalaam yiddigille abur abeyyo. Wakri dabaq tet abeyyo. Yuudâ-magaalooli abuuruy num sinniih lac sinnihiyya abeyyo» 'yaanam iyye.

Miika 3:12

Sin sabbatah Siyon-qale buqre elle takke booxah raaqele. Yarusalaam magaala abuuruh raaqele. Yallih Qibaadah-Qari elle yan qale garbo akkele» iyye.

Yoosuwa 4:9

Yoosuwa kaadu taban kee namma xaa Ordon gudel Qahdi-Sandug tabbixe seeka elle solta ikkel soolise. Woo xeet uxih a saaku fan tokkel yan.

Yoosuwa 8:29

Qaay malik caxak bagut takareeh, ogot kaa qide. Too caxah bagut carra fan takayrit suge. Ayro culte waqdi Yoosuwa, «Malik raysa caxak oobisa» iyye. Too waqdi kay raysa caxak oobiseenih magaalak afal qiden. Too aracal qalumuk fayya 'ta caddot xeet sittin bagul xisen. Woo xeet a saaku fan elle yan.