Yoosuwa 7:6 - NABUWWA KEE MALIKWA

⁶ Too waqdi Yoosuwa abeh yan wariggah sara isik qanxiseeh; YALLIH Qahdih-Sanduguk foocal gommoh rade. Israayil makaabon kaadu toh abteeh; tokkel aben arka yaybulleeni'gidih amol siisa luk magrib tikki 'yam fan gommoh sugen.

Yoosuwa 7:6 ပူးပေါင်းရင်းမြစ်များ

2 Samuwel 1:11

Dawud toh yoobbe waqdi, kaxxam qaadeeh sara isik edde qanxise. Kay mari kaadu toh abe.

2 Samuwel 1:12

Sarrak kaxxa rookah rookiteenih weeqeenih, magrib tikka 'yam fanah, Saawul kee Saawul baxih raba kee Israayil mara kee YALLIH qaskaray qeebit rabtehiyyah rookah soomuh asen.

2 Samuwel 1:2

Nammayhaytoh ayrok wadiril furraynuh yan awkii, Saawul macaxi mafdagah luk suge aracak, amol siisa heeh rookak gexxaamah sara isik qanxiseh, yemeete. Dawud fanah yemeeteeh kay assakaxxiyyah qansah baaxo xagam fan baaxok bagul qununna 'ye.

2 Samuwel 12:16

Too waqdi Dawud, baxi kaah qaffoota'gidih, Yalla kallace. Maaqo afah xagu cineeh, kulli bar isi qari culla 'yeh qarik baaxal deerih gacca 'yeh, elle maaca fan sugak yen.

2 Samuwel 13:19

Tohuk lakal Tamaari gombod amol isik caxxeeh xagarat le kames qanxisseeh foocal namma gaba isik hayya hayteh weeqak gexxe.

2 Samuwel 13:31

Too waqdi malik sollu 'yeh sartan isik qanxiseeh, qari-baaxal afah rade. Kay buxal taamita kay mari kaadu sara isik qanxise.

2 Malikwa 22:11

Malik, Yallih-xinto elle tan kitab iyyam yoobbe waqdi, hagga 'yeh wariggah saro isik qanxise.

2 Aydaad 34:19

Malik a kitab iyyam yoobbe waqdi, hagga 'yeh wariggah saro isik edde qanxise.

Qedra 10:1

Qedra baaxok bagul afah radda 'yeh, Yallih Qibaadah-Qarih foocal aben umaanet yaabakaay, weeqak dooqa abak suge waqdi, Israayil ummattak labha kee agabu kee urruk mangom xaqul kaak gaabowwa 'yeenih kaxxam weeqen.

Nacmiya 9:1

Too alsak labaatanna kee fereyhaytoh ayro, Israayil ummatta aben dambih nadaamah soomaana'gidih gaaboowen. Ken akke waa marin marak yexxeereeniih, sartanah *qabuudut gacca 'yeenih, abeenih yanin nadaamak gexxaamah, amol bullaaqe isinnik caxen. Sarrak solla yeenih ken kee keenik dumal ken kaxxa abbobti abba hayte dambit yaaben.

Aster 4:1

Mordakay tekkem yoobbe waqdi, sara isik qanxise. Sarrak sartanah *qabuddat gaceeh, amol gombod isik caxe. Tohuk lakal boogisak magaalak adda gacca 'yeh gexe.

Aster 4:3

Inkih tan rakaakayitteh adday aham amrih elle oobiseenihiyyal yan Yahuuduh ubukka 'ye mari inkih tah yoobbe waqdi, kaxxa rookah rookiten. Yakkeenimiik soomeeniih, weeqeeniih, boogiseenih. Mango mari keenik sartanah qabuudut gacca 'yeh, gomboduk bagul deerih gacen.

Yoosuwa 7:7

Too waqdi Yoosuwa iyyeemih, «YALLAW, Mulki le Dageltaw, fiiruk Ordon weeqaytuk macah nee tabisse? Akke macah nee bahte? Amoorâ-marih gabal nee hayta'gidih nee maay bahte? Hay, nee bayissa'gidih nee maay bahte? Ahak Ordon weeqaytuk woo qaxal raqnam neh ayse rarte.

Makaabon 11:35

Usuk tet yuble waqdi baguuk teetih qaadeeh sara isik qanxiseh iyyeemih, «Yi baxáy, afqado yok dananisseeh niya yok tiggilek ah macaa? YALLAH cule nadri liyooh too nadri mamaka» iyye.

Makaabon 20:26

Israayil mari tah yuble waqdi, kaxxa qaadiyyah qaadeeniih Beetal fan gexxa 'yeenih, tokkel daffa 'yeenih YALLAL weeqak asen. Too ayro bari tikka 'yam fanah maaqo afah maxaginnon. Tokkel too ayro YALLAH cado akak cararisan sadgat kee amaanah xiinaanamih astah aban sadgat aben.

Makaabon 21:2

Tohuk gexxaamah sarrî-saaku Beetal fan gexxa 'yeenih inkih tan ayro Yallal weeqakaay kaxxa boogeh boogisak asen.

1 Samuwel 4:12

Benyam kedoh yooboke numuy woo qeebik yisillimehiyya tokkek arduk, Siilô magaala fan too ayrot edde yemeete. Tekkeemih abeh yan rookah gital sara isik qanxiseh yeneeh, amol kaadu siisa luk yen.