Yoosuwa 7:26 - NABUWWA KEE MALIKWA

²⁶ Amol kaak qalumuk fayya 'ta caddol xeet sittin bagul xiseeniih; woo xeet a saaku fan elle yan. Woo arac a saaku fanah migaaqah Gadaamâ Golo deqsita. Tohuk lakal YALLIH kaxxa bagcarra xamacteh.

Yoosuwa 7:26 ပူးပေါင်းရင်းမြစ်များ

2 Samuwel 18:17

Sarrak Absalaam raysa beeniih, garboh addal tan kaxxa boodot qiden. Tohuk lakal woo boodo xeetik kibeenih, waydal gurral bicsen. Toh tekke waqdi Israayil mari yakkeemik mariiy isi buxa fanah kude.

2 Samuwel 21:14

Sarrak Dawud mari, Saawul kee kay baxih lafa beyya heenih, Malik Dawud keenik aba elle inxicca 'ye innal, Saawul abbay Kees deqsitak yene edde yoogoqen *kabrit yoogoqen. Too kabri Xelaq deqsita rasuy Benyam kedo guubuh elle tenehiyyal geytima. Tohuk gaba kaleenik wadirii, oson isinni baaxoh aban dooqa Yalli keenik oggolak raaqe.

2 Aydaad 29:10

«Anu taway YALLAY Israayil doore Dagelta kinnihiyya net bagcarrite waa'gidih, bica kaa'lih abam faxa.

Qedra 10:14

Tonna kinnuk abeh meqeemih, a caagid nek saqoltih yan mari Yarusalaamal elle raqqa 'yeh adda akak wagtam tayse. Sarrak marin marih agabu ginnaaqot le mari, keenih heen waktil, isih elle yan magaalak abbobtih yan mara kee cokmaaba gabat luk yamaatay. Tonnal Yallay ni Dageltah yanihiyya ahimih giddinaamak neh abe kaxxa naqabu neh cabele» iyyen.

Yasaqya 40:2

*Yarsalaam xaylo lih yaaba; racmatta luk ken lih yaaba: ‹Mango biyak siinit yekke, mango waktih biyaakitten; aysa, biyak akket yaade. Abba hayten dambih inkih, dudda luk sin 'kah digaale; aysa dambik qafu geyten› 'yaanam inxica, warisa» 'yaanam iyye sin Dagelti.

Yasaqya 65:10

Yol xayyoowam faxa marah, ‹Gadaama› deqsitta golo lac nookisa arac akkele. Saron migaaqah le booxa saq yaloole arac akkele» 'yaanam axcuk YALLI yaabe.

Hosiqa 2:15

Duma luk sugte qinab xala coox teetih gacseyyo. Gadaamâ Golo deqsitta golo, niya elle moqon golo akkele. Tohoysa baxuwwah Masrik tet eyyeeqe saaku akah yoo oggolte'nnah, yoo oggolele.

Hosiqa 2:17

Ahak wadir Baqal 'yaanamih galab xagi tet maha.

Ayyuqel 2:13

Qaadiyyah sara isinnik qanxissaanam xiqtam mali. Abten umaaneh nadaamitta 'xicay qado baguuk yol uduura» yaanam iyye YALLI. YALLAY sin Dagelta kinnihiyyal uduura. YALLI maqaane leeh, racmatta le Dagelta. Kaxxa kacanu yaybulle Dagelta kinni. YALLI dagoomut mabagcarrita; digaalat mayasissikaay sahda abta umaaneh sahdah qafu aba Dagelta.

Ayyuqel 2:18

Ellecabol YALLI isi baaxo kee isi mara akcinuk keenih xuwaaweeh keenih racmateh.

Yoonas 1:15

Tohuk lakal Yoonas doonik addak eyyeqqa heenih badak addat qiden. Muxak suge bad too waqdi yeede.

Zakariyya 6:8

Sarrak malaykatti anay fayya haak yok iyyeemih, «Woo kilbat fan gexe faaris YALLIH naqabu xabbacooseh» yok iyye.

Yoosuwa 10:27

Ayro cultek lakal woo cooxih baguk ken ginaada oobiseenih, woo duma edde yombooqoreenih sugen gablah addat ken qiden. Sarrak woo gablak afa kaxxa xeetit alfen. Woo xeet a saaku fan elle yan.

Yoosuwa 7:24

Yoosuwa kee raqqa 'ye Israayil mari inkih yakkeenimik Qaakan yibbixeenih, kaa'lih kaadu beeh suge lakqooy rarayto kee dahab edde yibbixen. Toh lih kaadu kay xaylooy kay laay kay danoonaay illiiy siraq kee kalah kaadu luk suggu 'yem inkih Gadaamâ Golo deqsitta golo fan been.

Yoosuwa 8:29

Qaay malik caxak bagut takareeh, ogot kaa qide. Too caxah bagut carra fan takayrit suge. Ayro culte waqdi Yoosuwa, «Malik raysa caxak oobisa» iyye. Too waqdi kay raysa caxak oobiseenih magaalak afal qiden. Too aracal qalumuk fayya 'ta caddot xeet sittin bagul xisen. Woo xeet a saaku fan elle yan.