Yoosuwa 7:21 - NABUWWA KEE MALIKWA

²¹ Dannabah orbisne duyyeh addat qax-meqe Baabelon marih rarayto kee namma kiilo takke lakqo kee kiilok garab yakke dahab uble waqdi, ossokooteh innih haysite. Too duyye yi siraqih addat ubkuneh abbixe. Lakqo guba akak heeh abbixeeh, tokket daanah siinih sugele. Ta duyye elle beem tama'nna» iyye.

Yoosuwa 7:21 ပူးပေါင်းရင်းမြစ်များ

2 Samuwel 11:2

Ayrok teena Dawud carra waqlat xiinik ugutta 'yeh, isi qarih amol yewqe. Wokkel booxah yan aracal wonnak annah gexak suge waqdi, barra kaqalah yuble. A barra kaxxam qax muquk ten.

2 Malikwa 7:8

Taaxige affara num woo aracah xayyoowen waqdi, siraq adda culen. Wokkel geenim yokmeeniih, yooqoben. Sarrak lakqo kee dahabaay, sarak geenim beenih yooqoren. Wadirih kaadu yuduureeniih, gersi siraqih adda culeeniih tu beenih yooqoren.

Yasaqya 28:15

«Nee kee rabi fanal qahdi yan. Nanu akeera lih bica hayne» intan. «Duufut sinam beya weeqayti yamaate way nee mabeya» intan. «Silac nek duquurusiyya» intan. «Dirab kibaalah nek yan» intan. «Bala qaraanak tamaate way, nee maxagta tu mabahta» intan. Tirtirissan; tahal falmittan.

Yasaqya 29:15

Edde tanin mala YALLAK yaaqurem yakkale maraw, sinim tekkeh! Uma-taama bar ditet abaah, «Nanu abnam iyyi nek yableeh, iyyi yaaxige?» 'yaanam intan.

Cabakkuk 2:9

Woyyow siinit takku waytaamow! Dirkih sahdak beyten duyyet gaddalitak sugten. Dabaaqat tu siinik takkeemik dacayri takke'gidih, kaxxa qarwa megdeb innal bicissen.

Yoosuwa 7:20

Qaakan kaal gacsemii, «YALLAY Israayil doore Dagelta kinnihiyyal dambi lem bahtem yoo; toh numma.

Yoosuwa 7:22

Too waqdi Yoosuwa kay siraq fanah sinam ruubeeh; woo mari arduk gexxa 'yeenih, woo duyyey Yalli isinnih mahaysitina axcuk amri akah yeceehiyya edde yubkune aracat geen waqdi hagga iyyen. Lakqo gersi duyyek gubat yooqoreh suge.