Yoosuwa 7:19 - NABUWWA KEE MALIKWA

¹⁹ Too waqdi Yoosuwa kaak iyyeemih, «Yi baxaw, YALLAY Israayil doore Dagelta kinnihiyyah nabna faylisaay; kay foocal abteemit yab. Abba haytem taway yoh warisay yok maaqarin» kaak iyye.

Yoosuwa 7:19 ပူးပေါင်းရင်းမြစ်များ

2 Malikwa 20:15

Nabi Yasaqya, «Hay, ku qarih addal abaluk sugeenim macaa?» kaak iyye. Too waqdi Ciskiyyaahu, «Yi qarih addal tanim inkih yubleeniih; duyye edde daanah haan kadnoonih addal taniimik ken aybulle wayya heem mayyu» kaak iyye.

2 Aydaad 30:22

Ciskiyyaahu, Leewî-mari YALLIH qibaadah taama elle aban innah ixxiga loonum keenik yuble waqdi, wohul ken fayliseh. Malcina ayroh gide amaanah xiinaanamih astah qidan sadgat abakaay YALLA faylisak sugeenik sarra,

Yasaqya 13:12

Tohuk saaboh raaqu waa mari, agle sinni dahabay kulli waqdi geytime waa akkele.

Ermiyaas 13:16

Laqô-bar siinil radaah dite elle radde qaleelah bagul tandafoofoleenimik dumal, YALLAY sin Dagelta kinnihiyya eyneba! Isin faxxan ifih aftok baaxo kaxxa dite siinil takkeemik dumal, kaa eyneba.

Yoosuwa 7:20

Qaakan kaal gacsemii, «YALLAY Israayil doore Dagelta kinnihiyyal dambi lem bahtem yoo; toh numma.

1 Samuwel 14:43

Sarrak Saawul, «Abtem macaay?» kaak iyye. Yonaatan, «Gabat abbaxuk suge caxxat dago malab-baxa kumussa heeh okme. Ah yooy rabah bical an» iyye.

1 Samuwel 6:5

A laahi-baxxa kee hantuutay baaxo siinik bayissak sugehiyyah ceelo bicissaanam meqeeh, Israayil doore Dagelta kaadu tassakaxxeenim meqe. Usuk sin kee sin yallitte kee sin baaxok digaala yayseedem takkeh.