Yoosuwa 6:2 - NABUWWA KEE MALIKWA

² YALLI Yoosuwak iyyemii, «Anu Yerikô-magaalaay tet malik kee teetil enna 'ta agiirah tan qaskar ku gabal heeyyo.

Yoosuwa 6:2 ပူးပေါင်းရင်းမြစ်များ

2 Samuwel 5:19

Dawud YALLAK fayu essereeh, «YALLAW, Filistiin-marat qeebi maay aboo? Qeebi keenit abek, nasri yoh maay acee litoo?» axcuk Yallal essero essere. YALLI kaal gacseemih, «Yeeyik, keenik koo aysiiseyyok, gexay qeebi keenit ab» 'yaanam kaal gacse.

Nacmiya 9:24

Kanqaan baaxol suge marak qeebil ken tiysiiseh. Wokkel suge mara isi marih milkih hayte. Kanqaan malik kee kay marak isinnih faxeenim abitaana'gidih, ken gabal ken hayte.

Daaniyel 2:21

Kulli wakti tamlikem kaa; malik abtaah kaltam Yalla. Kas le marah kas taceem kaa; numuh ixxiga taceem kaa.

Daaniyel 2:44

«Too malikwah dabaanal, qaraanal yan Yalli baye wayta doolat xisele. Too doolatak faxe doolat mataysaay; sugte doolatwa bayissa hayteh elle raaqeleeh waarele.

Daaniyel 4:17

Aham tiysixxigem, kulli waqdi bical tan malayka. Akah tiysixxigem, sahdayti xinto tamlikem, Yallay inkih daga raaqahiyyaay; tet isih faxe numuh yeceem ummatta inkih taaxagay; isih faxek abbootan ramma le numuh yecee» iyye› kaak exce.

Daaniyel 4:35

Baaxol enna 'ta ummatta kay garil tu hinna. Qaraanal tan malayka kee baaxol tan ummatta inkih kay milkih gubat tan. Usuk faxeemil saduh gacu duuda num mayan. Usuk abem macah tekkeeh, iyyu duuda num mayan.

Daaniyel 5:18

Malikow, Yallay kulliimik daga raaqahiyya ku abbah yen Nabkadnessar kaxxa malik abeeh migaq kee heebatiiy nabna kaah yecee.

Yoosuwa 12:9

Israayil mari qeebit baaxo akak raaqisem: Yeriko deqsitta magaalal yen malik kee, Qaay deqsitta magaalay Beetal deqsitta magaalah xaqul yenehiyyal yen malikiiy,

Yoosuwa 2:24

Sarrak iyyeenimih, «YALLI a baaxo inkih neh yeceem digga le. Macaay intek, wokkel enna 'ya mari inkih meysih bux nek haak raaqe» iyyen.

Yoosuwa 2:9

annah keenik inte. «YALLI a baaxo siinih yeceem aaxigeeh; kulli num sin meysih raba.

Yoosuwa 20:1

YALLI Muusa suge saaku kaak iyyeemih, «Num qide num megloh gexu waa magaalooli faxxiimele. Garcik num gabat akak rabe num, gabat kaak rabe numih ramaday caneh kaa qidam faxahiyyak too magaalooli fanah megloh gexele» kaak iyyeh suge. Tonna leemiik YALLI taway Yoosuwak iyyeemih, «Israayil ummatak intaamah, too magaalooliy num megloh gexu waahiyya doorittaanama.

Yoosuwa 6:1

Yerikô-magaalak afa Israayil mari culaamak alifit teneeh; num akak yawqeeh culam duudak mananna.

Yoosuwa 6:3

Koo kee ku qaskar lica ayroh gide, ayrol inki adda magaalak iro le kabuk woo qaxaak a qaxa mermeritetton.

Yoosuwa 8:1

Tohuk lakal YALLI Yoosuwak iyyemii, «Tikka 'ta qaskar gabat haay, woo Qaay fan gex. Mameysitinay niya kok baxaqe waytay, Qaay magaalah malik kee woo magaalal tan ummattak qeebih koo aysiiseyyo. Woo magaala kee baaxo sinim abeyyo.

Makaabon 11:21

YALLAY Israayil doore Dagelta kinnihiyya Israayil mara Sicon kee Sicon qaskarak qeebil yiysiiseh. Too waqdi Israayil mari, Amoorâ-maray wokkel sugehiyyak baaxo inkih bukkuseenih.

Makaabon 11:24

Isin yallah liton Kamos siinih yeceemil elle isbira. Nanu kaadu YALLAY ni Dagelta kinnihiyya neh yecee baaxol dabaaqah sugenno.