Yoosuwa 6:19 - NABUWWA KEE MALIKWA

¹⁹ Lakqo kee dahabaay, nacaas kee birtak bicsen duyye inkih YALLAH rikeek yan aracal haanam faxxintaah, Yallih im elle haan ikkel daanisaanam faxxinta» 'yaanamih amri keenil oobise.

Yoosuwa 6:19 ပူးပေါင်းရင်းမြစ်များ

2 Samuwel 8:11

Malik Dawud too duyyey too malik kaah ruubehiyya YALLIH qibaadah tuxxiiqit elle assa innah abe. Tohuk kalah Edom kee Mooyab kee Qammon kee Filistiin kee Qamaalek deqsita maray qeebil akak yeysehiyyak dannabah orbise dahab kee lakqo, ta duyye lih hayya heeh, YALLIH qibaadah tuxxiqit elle assa innah abe.

1 Malikwa 14:26

Too saaku YALLIH Qibaadah-Qarik duyye elle daanisan aracal sugga 'te duyye kee, malik qaril sugte duyyek Suleemanak-raqte-goobway dahabak bicseenihiyyah agantah inkih bee.

1 Malikwa 7:51

Tonnah abak, Suleeman YALLIH Qibaadah-Qarih xisnek gaba kaleh. Too waqdi Suleeman, kay abba Dawud YALLIH qibaadah loowe duyyey rikeek abbaxuk sugehiyya gaabossa heeh, sarrak Qibaadah-Qarik mattacoh yaceen duyye elle daanisan golitteh addal hee. Tohumuu, dahab kee lakqo kee, kaadu wohuk kalah, gersi duyyek ten.

2 Malikwa 24:13

YALLI dumaak akah iyyeh suge innah, YALLIH Qibaadah-Qaril sugga 'te duyye kee malik-qarih-addal sugga 'te duyyek tu macabinnay weerra heeh bee. Duma Malik-Suleeman YALLIH Qibaadah-Qarih-addal heeh suge dahabak bicsen duyyek tu macabinnay iggillaay weerra heeh bee.

1 Aydaad 18:11

Malik Dawud too duyyey too malik kaah ruubehiyya YALLIH qibaadah tuxxiiqit elle assa'nnah abe. Tohuk kalah Edom kee Mooyab kee Qammon kee Filistiin kee Qamaalek deqsita maray qeebil akak yeysehiyyak dannabah orbise dahab kee lakqo, ta duyye lih hayya heeh, YALLIH qibaadah tuxxiiqit elle assa innah abe.

1 Aydaad 26:20

A marak kalih maray kaadu Leewih yoobokehiyyah, Qibaadâ-Qarih-duyye kee Yallih sadgatah baahan duyye elle haan makaadan-abbootan keenih yeceen.

1 Aydaad 26:26

Seloomitiy Elqeedar samadah yenehiyya kee kay gulubut raqqa 'ye mari, Yallih sadgatah Qibaadâ-Qari baahan duyyeh abbootan luk yenen. Too duyye teceem, Malik Dawud kee kedoh abbobti kee gulub-gulubuk abbobtih yan mara kee qaskar abbobtih yan mara.

1 Aydaad 26:27

Woo mari qeebik dannabah orbisen duyyek garab beyya heeniih, YALLIH Qibaadah-Qarih addal woo qari edde bicsaana'gidih heen.

1 Aydaad 26:28

Wohuk kalah kaadu, nabi Samuwel kee Kées-Saawul kee Nér-Abner kee Xaruya deqsitta barrah baxay migaaqah Yowab deqsitahiyya, Yallih migaaqal bahha haan duyyeeyak inkih abbah tenem, Seloomit kee kay buxah marak ten. Seloomit kee kay buxah mari, Yallih Qibaadah-Qari Yallih migaaqal bahha haan duyyek inkih abbootan gabat luk yenen.

1 Aydaad 28:12

Tohuk kalah kaadu, YALLIH Qibaadah-Qarih daaroota kee, woo daarootah dariifal faxxinta qarwa elle xiseh meqe innih tiyakaa, isit cella haytam inkih kaah yescesse. Qibaadâ-Qarih duyye edde haan golitte kee ummatta Yallih sadgatah bahta duyye elle haan golitte elle xisan innak isit celtam kaadu kaah warse.

2 Aydaad 15:18

Kay abba kaak dumal Yallih qibaadah orobta'gidih heeh suge duyye kee, usuk isih Yallih qibaadah taamat asisa'gidih rikeek heeh suge dahab kee lakqo kee gersi duyye bahha heeh, Yallih Qibaadah-Qarih addal hee.

2 Aydaad 31:12

ummatta elle haytaamak mattaco kee tabanhaytoh af tokket daanah keenih hayte. Too duyyek dacayrih abbah Konanyaahu deqsita Leewih yooboke num heeniih; kay gubal kay toobokoytay migaaqah Simqi deqsitahiyya heen.

Nacmiya 10:38

Seekak, Haarun deqsita kaxxa seekik rade mari, Leewih yooboke mara luk gacca 'yeh, woo diini qaadah gaaboysan duyye gaaboysoonay. Too duyyey gaaboyseenihiyyak tabanhaytoh af, Leewih yooboke mari Yallih Qibaadah-Qarik duyye edde daanisan golih addat daanisoonay.

Ermiyaas 38:11

Qebedmelek woo mara gabat hayya heeh, malik qarik duyye elle daanisan golik tembexe calagto gabat luk, nabi Ermiyaas edde qiden birkat fan gexe. Akkattat too calagto uxuyya heeh nabi Ermiyaasal ruube.

Miika 4:13

YALLI iyyeemih, «Yarusalaam maraw, gexay isinni naqboytit ibah iqita. Gayse birtak akak bicseenih, xukcuno nacaasak akak bicsen awurih innah qandeh sin heeyyo. Mango baaxoh marak qeebil aysetton. Oson umam abittot geen gaddaliino yoo fan baahelon. Anu YALLAAY; inkih yan baadal yan Goyta kinniyo» 'yaanam iyye.

Yoosuwa 7:11

Israayil mari dambi lem baaheeh; anu ‹Maabina› keenik excem abeenih ken lih hee qahdi makeenih. ‹Mabena› exce duyye garqeenih isinnih haysiten. Isinni duyyet yesgelleeniih too duyyek diraabah niimi iyyen.