Yoosuwa 5:1 - NABUWWA KEE MALIKWA

¹ Tikki 'ya Amoorah yooboke maray Ordonuk ayrô-culma le kabut raaqahiyya kee, Kanqaan amoytittey Maditraaniyah badih dariifal tanihiyya takkeemiik YALLI Ordon weeqaytu Israayil mari akak tabam fanah kafsem yoobben. Tohuk gexxaamah kaxxa meysi ken tibbixeeh, niya keenik radde.

Yoosuwa 5:1 ပူးပေါင်းရင်းမြစ်များ

2 Samuwel 21:2

Gibqon mari Israayilih yooboke mara hinnoonuuy, Amoorah yooboke dago maray Israayil mari duma, ‹Sin maxagnay amo siinik dacrisenno› axcuk qahdi akah culeenihiyyak ten. Saawuluuy Israayil kee Yuudâ-marih taagah inkitanuuk ken bayisam faxeh yen.

1 Malikwa 10:5

miizil heenih yanin kay maaqooy, kay doolat abbobti elle daffeyta gurraay, kay buxal kay taamat yan mari missal elle soola inna kee, kay taamah mari edde yan sartan tubleh. Usuk yakme way elle-yaaqube kobbaayiy-kaah-baaha-mari elle yani'nna kee, YALLIH Qibaadah-Qaril abah yan sadgataay; tah inkih tuble waqdi qagabsitteh hagga-inte.

Qedra 9:1

Tohum inkih abeenik lakal, Israayilik saqoltih yan marak garab yemeeteeh, yok iyyeenimih, «Seeka kee Leewih yooboke mara kee kalah tan ummatta, a cuggaaneh keenik yan mara kee oson edde asan umâ-yabulih tan qaadoodik yaxxeeroonu cineenih. Too maray keenik cuggaaneh yanihiyya duma a baaxol sugen Kanqaan kee Ciita kee Feriida kee Yabuusa kee Qammon kee Mooyab kee Masri kee Amoora mari abak suggu 'ye umâ-yabulih tan taama aban.

Yasaqya 41:5

«Allî-baaxoh mari anu abem yubleeh, too way cunxiteeh, axaxiteh. Sarra gaabowwa 'yeenih yemeeten.

Yacedkel 16:3

Teetik intaamah, ‹YALLAY Mulki lehiyya kok iyyeemih, « ‹Elle toobokem, Kanqaan rasuuy; abba kok Amoorâ-numuuy; ina kok Ciita deqsita marih barra.

Yacedkel 21:7

‹Macaay akah gomomtaah tu edde toome num akah celtam?› kok iyyan waqdi, keenik intaamah, ‹Tu edde toome num akah ceelam, sarra yamaatu waa uma xaagih sabbata› keenik inxic. Woo xaagi yamaatu waa saaku, afqado keenik cunxoh dub axcele. Gaba keenik axaxitele. Niyâ xiglo ken abbixeleeh, gulub keenik kadiidimitele. Wakti xayyooweh yaniih xayuk akkele. Tahat yabtam yoo YALLAY Mulki lehiyya» iyye.

Daaniyel 5:6

wariggiteeh; abeh yan wariggak gexxaamah fooci kaak burraaciteeh, guluuba kaak axaxxeh, yinnikisseh.

Qaamus 2:9

« ‹Takkay immay yooy YALLA kinnihiyya, Amoora deqsita maray xexxaarah calawwayti gide yakkeeh caylah lubak inna luk yenehiyya, sella akah heem, sin taagak ten.

Yoosuwa 17:12

Takkay immay Manasseh yooboke mari too magaaloolil suge mara wokkek yayyaaqoonu yeffereenih. Tohum Kanqaan marak ten. Too mari too magaaloolil elle raaqen.

Yoosuwa 17:18

Qaleela mango baaxo siinih antacawwimele. Garboh tani'mmay caxa akak irgiqqaay booxah cabba haay a exxaay woo exxa akak isinnih haysita. Wokkel yan Kanqaan mari carbi gaariiray birtak abeenihiyya loonuuh celeemah yaniinih immay, qeebit ken ayyaaqetton» keenik iyye.

Yoosuwa 24:15

YALLA taqbudeenim faxe wayteenik, ta saakut edde taqbudoonu waytaanam yoo iysixxiga. Yalla aqbude wayteenik, wonnal isin akak radden sin kaxxa abbobti Mesbotaamiyah rasul sugte saaku aqbuduk ten duyyeeya akke kee, hinnay kaadu, away elle tanin baaxol Amoorâ mari aqbuduk suge duyye doortaanama. Yoo kee yi buxah maraay yi buxal taamita marah tu gactekiiy nanu YALLA aqbudenno» keenik iyye.

Yoosuwa 3:16

weeqayti lee caxitak maraaqinnaay, Xartan deqsita aracak darrel ten Adam deqsitta magaalal gaabowte. Rabe Bad deqsita bad fan caxitak sugte lee inkitanuuk tiggiriqeh. Too waqdi sinam inkih woo lee sinni kafin baaxol gexxeeh; seekay Qahdi-Sandug quukah tabbixehiyya, Ordon weeqaytuk gudey kafinuk raqtehiyyal, ummatta inkih taturra intam fan soolak sugte. Sinam inkih Yeriko deqsitta magaalah gariik Ordonuk tabte.

Makaabon 1:1

Yoosuwa rabek lakal Israayil mari *YALLAK iyyeemih, «*YALLAW, Kanqaan baaxo naharak nek tabbaxu waytam iyyay?» iyyen.

Makaabon 11:23

Tonnal YALLAY Israayil doore Dagelta kinnihiyya isi mara catak, Amoorâ-mara wokkek yeyyeeqeh, ken baaxo isi marih im abe. Hay, ta baaxo gacissaanam faxxaana'nnaa?

Makaabon 3:3

Yallih fayxih baaxol raqtemii, Filistiinik koona magaalal yen mara kee, wohuk kalah, Kanqaanah yooboke maraay Saydâ mara kee, tonnah kaadu, Ciiwih yooboke marak ten. Ciiwî mari Lubnaan qaleelak Baqal Cermon deqsitta qaleh ragidik xabba haanamay Camat deqsita daabah amma 'yaanam tan baaxol yen marak ten.

Makaabon 4:2

Tohuk gexxaamah YALLI, Yaabin deqsita malikiy Kanqaanah yoobokehiyyay Caxor magaala xiinisak yenehiyyak carbil ken gacsiiseeh kay gabat ken yiysibixe. A malikih qaskarih abba, Sisra deqsita numuy Carooset-Goyim deqsitta magaalal guubuh yenehiyyak ten.

1 Samuwel 25:37

nammeyhaytoh ayro sikratak cissi geem ubulla hayte waqdi, tikka 'tem inkih kaah warisse. Toh yoobbe waqdi lubbi kaal yeedeeh, caxxi innah kafe.