Yoosuwa 4:19 - NABUWWA KEE MALIKWA

¹⁹ Ummatta Ordon weeqaytuk sanatak naharsi alsak tabanhaytoh ayrol tewqeeh; Gilgal deqsita aracay Yerikô-magaalak ayrô-mawqa le kabut raaqahiyyal yinfiddigen.

Yoosuwa 4:19 ပူးပေါင်းရင်းမြစ်များ

2 Malikwa 2:1

YALLI, Eliyyas mermerita caacayih addat qaran edde yayyaaqu waa wakti xayyooweh. Eliyyas kee Eliisaq Gilgal magaalak tewqeeh,

Qaamus 4:4

YALLAY Mulki le iyyaamah, «Israayil maraw, fardi siinit celtek, Beetal gexay dambit asa. Gilgal gexay, dambik dudda hayteenim aba. Yok wayteenik, maacak maaca sadgatah lac baahay qidaay, sidochaytoh ayro dakaat ucuya.

Qaamus 5:5

Bersabaq fanah qibaadah magexina. Beetal magaalal kaadu qibaada maabina. Macaay inteenik, Beetal foyyâ magaala akkele. Gilgal kaadu magexinaay, Gilgal magaalal dabqih yan mara seewah beelon› iyya» 'yaanam iyye.

Miika 6:5

Baalak deqsita numuy Mooyab rasul amoytah yenehiyya siinih loowem, yi ummatey, kassa haay. Too malay siinih malseenihiyyal Baqor-Balqam kaal gacsem kaadu kassa haa. Tikible-Golo deqsita aracak Gilgal deqsita aracay elle yanfidigeenihiyya fan gexxan waqdi, gital siinit tekkem kassa haa. Toh kassa haytan waqdi, anu sin rooci wadu siinih abem kinniimit radetton» iyya.

Yoosuwa 10:43

Tohuk gaba kalen waqdi, Yoosuwa kee kay qaskar woo elle yinfiddigeenih yenen aracay Gilgal deqsita fan yuduuren.

Yoosuwa 10:6

Too waqdi Gibqon mari Gilgal deqsita aracal yan Yoosuwah farmo ruubeeniih, iyyeenimii, «Ni amoytaw, Amoorâ malikway woo qaleelak tan baaxol tanihiyya takkeemiik lon qaskar inkih gaabossa heenih qeebi net abeenik, net takkeemik tibba maxcinay xayuk amay nee cata» kaak iyyen.

Yoosuwa 15:7

Tokkek bisoh gexak raaqaah Gadaamâ Golo deqsitta golok Dabiir deqsita arac fan gufak yen. Tokkeek kilbat fanah makka 'ta waqdi, Gilgal deqsitta magaalay Adummim Daaba deqsita aracat foocah raqtahiyya fan gufa. Adummim Daaba golok gabbi-qaxat raqta. Tokkeek bisoh gexak, Qensemes buyyi deqsita buyyiik bukka 'ta waqdi, Qenrogel deqsita arac gufa.

Yoosuwa 24:11

Tokkeek Ordon weeqaytuk tabba 'teenih Yeriko fan temeeten. Yerikô-magaalah mari qeebi siinit abeeh; keenik qeebil sin iysiiseh. Amoorâ-mara kee Feriidâ-mara kee Kanqaan-maraay Ciita kee Girgaasâ-maraay Ciiwi kee Yabuusâ-mari kaadu qeebi siinit abe. Takkay immay keenik inkih qeebil sin iysiiseh.

Yoosuwa 4:18

Seeka Ordon weeqaytuk akah tabte innaak, weeqayti kaxxa weeqah weeqe.

Yoosuwa 5:10

Israayil mari Yerikô-magaalah garil tan booxal Gilgal deqsita aracay elle yinfiddigeenil yanin waqdi, woo saaku edde sugen alsak taban kee fereyhaytoh ayrot carri waqla Elle-Tatriyyi-Qiid aben.

Yoosuwa 5:9

Sarrak YALLI Yoosuwak annah iyye. «A saaku Masril luk sugten qaybik sin kaleh» iyye. Too arac a saaku fan Gilgal deqsita. (Gilgal iyyaanam kalti iyyaanama.)

Yoosuwa 9:6

Sarrak Yoosuwa elle yinfiddige ikke fan yemeeteeniih; tokkel Yoosuwa kee Israayil marak iyyeenimih, «Xer baaxok yemeete mara kinninooh, qalla siinit haysinnam fanxa» keenik iyyen.

1 Samuwel 10:8

Tokkek Gilgal magaala fan yok naharat amaatetto. Too magaalal anu kot angooroweyyooh, cado akak carrisan sadgat Yallah abeyyooh, tonnah kaadu, amaanah xiinaanamih astah aban sadgat Yallah abeyyo. Anu amma exceh abtu waytam koh warsam fan, malcina ayroh tokkel sugetto» kaak iyye.

1 Samuwel 15:33

Kaa baahen waqdi Samuwel kaak iyyemii, «Ku seef mango inonti xaylo maleh akah cabe'nnah, ku ina a saaku kaadu baxa maleh raaqele» kaak iyye. Sarrak YALLA elle yaqbuden aracay Gilgalal yanik foocal exxa-exxah kaa kure.