Yoosuwa 4:18 - NABUWWA KEE MALIKWA

¹⁸ Seeka Ordon weeqaytuk akah tabte innaak, weeqayti kaxxa weeqah weeqe.

Yoosuwa 4:18 ပူးပေါင်းရင်းမြစ်များ

1 Aydaad 12:15

Sanatak inikhaytoh alsay Ordon weeqayti emegga 'yeh aruk amo korak yenehiyyat, too weeqaytuk tabba 'yeeniih, elle taben ikkel weeqaytuk ayrô-mawqa kee ayrô-culma le kabul suge mara inkih xiiriyeenih.

Yasaqya 8:8

Tohuk lakal Yuudâ-rasu fanah, sahda filla fanah yanxuqe weeqih innah, kullim duufut beyak amaatelon. Ammaanuwelow, too qaskar fakimit tan kaxxa galway baaxo inkih duddahiyya akkele» yok iyye.

Yoosuwa 3:13

Seekay inkih tan addunyah Dageltah yan YALLIH Qahdih Sandug quukah tabbixehiyya weeqaytuk tabta'gidih iba woo leeh addat hayta waqdi, Ordon weeqayti caxitak maraaqa. Too waqdi caxitak sugte lee inki aracal gaaboowele› siinik iyye» 'yaanam keenik iyye.

Yoosuwa 4:11

Sarrak ummatta inkih weeqaytuk woo qaxa tabte waqdi, YALLIH-Qahdih-Sandug tabbixe seeka woo marak foocat gexxe.

Yoosuwa 4:17

Yoosuwa toh keenih warse.

Yoosuwa 4:19

Ummatta Ordon weeqaytuk sanatak naharsi alsak tabanhaytoh ayrol tewqeeh; Gilgal deqsita aracay Yerikô-magaalak ayrô-mawqa le kabut raaqahiyyal yinfiddigen.