Yoosuwa 3:16 - NABUWWA KEE MALIKWA

^16-17 weeqayti lee caxitak maraaqinnaay, Xartan deqsita aracak darrel ten Adam deqsitta magaalal gaabowte. Rabe Bad deqsita bad fan caxitak sugte lee inkitanuuk tiggiriqeh. Too waqdi sinam inkih woo lee sinni kafin baaxol gexxeeh; seekay Qahdi-Sandug quukah tabbixehiyya, Ordon weeqaytuk gudey kafinuk raqtehiyyal, ummatta inkih taturra intam fan soolak sugte. Sinam inkih Yeriko deqsitta magaalah gariik Ordonuk tabte.

Yoosuwa 3:16 ပူးပေါင်းရင်းမြစ်များ

1 Malikwa 4:12

Aciilúd-Baqna kaadu Taqnak kee Magiddo deqsitta magaalooli kee Beet-Saqan garil enna 'ta baaxok abbah yen. Beet-Saqan deqsitta baaxo, Yidraqel magaalak xayi tan Xartan deqsitta magaalak xabba haanamaay Aabil-Macoola magaala kee Yokmaqam magaalah amma 'yaanam tan baaxo.

1 Malikwa 7:46

Suleemanah a duyye inkih elle bicseenim, Ordon daqaarak Sukkot kee Xartan fanal yan aracay qasa-burta elle geytimahiyyak ten. Tokkelii, too duyyeh weelo qasa-burtak bicseenih, diyaayisen nacaas elle caxen.

Yasaqya 50:2

Anu inni mara wada'gidih gexe saaku, yi mari isi aracal akah suge weem macaa? Keenih seece waqdi, inki num kinni-way tu yol magacsinna. Anu ken catam yaffare Dagelta maay kinniyo? Ken wadaamih cayla mayyu innaa? Tonna hinna'mmay, badak ‹Badow, kaf› 'yaanam afak excek, bad kafsa Dagelta kinniyo. Lee darah elle gexak sugte baaxo bakarroytah gacsa Dagelta kinniyo. Woo leeh addat suge kullum gubbil raaqa waqdi, abicaah, lee wayya heeh bakaarah raba.

Yacedkel 47:8

Too waqdi yok iyyeemih, «A weeqayti ayrô-mawqa le kabuuk addah Ordon weeqaytu fan ooba. Tokkeek Rabe Bad deqsita bad fanah ooba. Rabe Bad fanah ooba waqdi, woo bad luk sugeh yan qasbo cabaah badliitah maraaqa.

Naacum 1:4

Bad kee weeqaytu YALLI «Kafa» iyya saaku kafta. Basan rasul tan qayso kee Karmel qalel yan coox YALLI «Kafa» iyya saaku kafa. Lubnaan qaleelal yan qobor YALLI isih faxa saaku kafsa.

Cabakkuk 3:8

YALLAW, nasri geysissa'gid farasah qambur luk sugte. Macâ sabbatah tinqibeh? Weeqaytu faxe waak sugtee? Badak waagissem luk sugtee?

Yoosuwa 12:3

Cuduud kaak Ordon weeqaytuk Galiil badak xabba haanamaay gabbi-qaxak Rabe Bad deqsita bad fanah gufak yen. Tohuk kalah Rabe Bad deqsita badak ayrô-mawqa le kabut raqta baaxok Beet-Yasimot deqsitta magaala kee Fisgâ qale deqsitta qaleh fanal enna 'ta baaxo inkih kay baaxot raaqak ten.

Yoosuwa 15:2

Gabbi-qaxat cuduud edde aadayuk yenem, Rabe Bad deqsita badak gabbi-qaxa raqta exxa.

Yoosuwa 3:13

Seekay inkih tan addunyah Dageltah yan YALLIH Qahdih Sandug quukah tabbixehiyya weeqaytuk tabta'gidih iba woo leeh addat hayta waqdi, Ordon weeqayti caxitak maraaqa. Too waqdi caxitak sugte lee inki aracal gaaboowele› siinik iyye» 'yaanam keenik iyye.

Yoosuwa 4:22

Israayil mari Ordon weeqaytuk adda kafin baaxol elle taben inna keenih warisa.

Yoosuwa 5:1

Tikki 'ya Amoorah yooboke maray Ordonuk ayrô-culma le kabut raaqahiyya kee, Kanqaan amoytittey Maditraaniyah badih dariifal tanihiyya takkeemiik YALLI Ordon weeqaytu Israayil mari akak tabam fanah kafsem yoobben. Tohuk gexxaamah kaxxa meysi ken tibbixeeh, niya keenik radde.

Makaabon 7:22

Gidqoon mari yakkeemiik sidiica boolih baanta yoogoren waqdi, YALLI, Miidiyan mara qeebi tittat ken yuyfukuneeh, seefit titta qiden. Too mari tokkeek aben kudmah, Dareeda deqsita rasuk Beet-Sitta deqsitta magaala kee, Aabil-Macoola deqsitta magaala dariifal tan baaxoy Tabaaqot deqsitta magaalat xayuk raqtahiyya fan yoowwen.