Yoosuwa 3:1 - NABUWWA KEE MALIKWA

¹ Too ayrok geeri ayro Yoosuwa kee raqqa 'te Israayil ummat inkih maaca dibroh ugutta 'teh woo dabqih elle sugen Tikible-Golo deqsita aracak gexeeniih; Ordon weeqaytuk tabaanam fanah weeqayti xaqul elle yinfiddigen.

Yoosuwa 3:1 ပူးပေါင်းရင်းမြစ်များ

Ermiyaas 25:3

«Amón-Yoosiyaahu malik edde yekke taban kee sidochaytô-sanataay takke fanah, labaatanna kee sidiica sanatah, YALLIH farmo fiiruk geerah siinih warsa'mmay, maqal yok edde mahaysitinniton.

Ermiyaas 26:5

sin fan ruuba nabuwway yi farmot tanihiyya siinik intaamah ayti acuya. Mango adda sin fan ken ruubak suge'mmay, siinik iyyeenimih ayti maacanniton. Away siinik axcem ankacise wayteenik,

Ermiyaas 7:13

Isin ta axxul le dambit assaanam uble waqdi, fiiruk geerah sin lih yaabeh immay yok tu aabbe cinteenih. Maabina siinik exceh tu yol magacisinniton.

Miika 6:5

Baalak deqsita numuy Mooyab rasul amoytah yenehiyya siinih loowem, yi ummatey, kassa haay. Too malay siinih malseenihiyyal Baqor-Balqam kaal gacsem kaadu kassa haa. Tikible-Golo deqsita aracak Gilgal deqsita aracay elle yanfidigeenihiyya fan gexxan waqdi, gital siinit tekkem kassa haa. Toh kassa haytan waqdi, anu sin rooci wadu siinih abem kinniimit radetton» iyya.

Yoosuwa 2:1

Tohuk lakal Yoosuwa, Tikible-Golo deqsita aracak namma num gibah ruube. Farrintoh too namma numuk iyyemii, «Kanqaan baaxok axcihiiy Yeriko deqsitta magaala sasot rebsimak gexay gibitay gaca» iyye. Too namma num gexxeeh; woo magaala gufen waqdi, Racab deqsitta xiiqareh xiinah buxa gexeeniih; wokkel elle xiinen.

Yoosuwa 6:12

Woo ayrol katayta ayro Yoosuwa maaca dibroh ugteeh; qaskar kaaduuy duma Yoosuwa aba keenik elle iyye innal, nammeyhaytoh ayro kaadu naharat fooci-qaskar gacteeh; ken lakat kaadu malciin takke seekay malcina baanta taagure gacteeh; woo seekah lakat YALLIH Qahdih Sandug quukah tabbixe seeka gacte. YALLIH Qahdih Sandug tabbixe seekak ellecabot qaskar gacca 'teh magaalat mermeriten. Tah elle abaanamal baanta aagaruk yenen.

Yoosuwa 6:15

Malcinhaytoh ayro, ayro bukka 'te waqdi ugutta 'yeenih malcina adda teetit mermeriten. Too ayrok sah wohuk dumal malcina adda woo magaalat mermeriteenih masuginnon.

Yoosuwa 7:16

Too ayrok geeri ayro Yoosuwa Israayil mara kedo-kedoh hayya heeh fooca fan baahe. Yuudâ-kedo kaa yuybulleeh, ken gulubuh hayya heeh fooca fan ken xayyoose. Darâ-maray gulubuh tittak yanihiyya kaa yuybulle waqdi, tonnah kaadu, fooca fan ken xayyoose. Ken kaadu buxa kee buxâ-marah hayya heeh xayyoose. Sarrak Dabdî-buxah mara kaa yuybulle waqdi, kay buxah mara fooca fan xayyoose.

Yoosuwa 8:10

Maaca dibroh ugutta 'yeh qaskar gaaboyse. Sarrak kaa kee Israayil abbobti woo qaskar Qaay magaala fan been.

Makaabon 20:19

Yalli toh keenik iyyek lakal, nammayhaytô saaku baaxo maacissa 'te waqdi, qeebih keenih gexeeniih; gaaduh gexxe qaskar Gibqâ-magaalah garil tinfiddige.

1 Samuwel 17:20

Dawud maaca dibroh ugutta 'yeeh, illit gersi mara cabba heeh, kay abba kaah elle warse innal, usuk kaal yecee maaqo gabat hayya heeh gexe. Dawud, Israayil mari carbi booxa fanah gexaah, qeebi tirtirisan waqdi, yemeete.