Yoosuwa 24:27 - NABUWWA KEE MALIKWA

²⁷ Tohuk lakal Yoosuwa inkih tan ummattak iyyeemih, «A xaa wagita. A xaahi ni sumaq akkele. A xaahi YALLI ne'lih yaabe yab inkih yoobbeh. Tonna-leemiik YALLA kinni sin Dagelti niqbam abe waytaana'gidih, a xaahi sumaq siinil akkele» iyye.

Yoosuwa 24:27 ပူးပေါင်းရင်းမြစ်များ

Yasaqya 1:2

YALLI iyyeemih, «Sin lih yabtem, YALLAK; qaran kee baaxoy, ankacisa. Anu innih qarise urri yab yok cineh; xaylo yoo cinteh.

Yasaqya 59:13

Kooy ni Dagelta kinnihiyyal makneeh, koo kataye cinneeh kok nexxeere. Sahdat elle xukkutan inna malisnaah; edde nacsubem, hoxaay; edde yabnam, diraaba. Tah inkih abne» 'yaanam iyyan.

Cabakkuk 2:11

Sin qarwal tan xeetik bicsen gidaarwa kinni way xongolteh innah siinit gacele; cooxuk bicsen qamidwah deero qalê-berri gurral siinil raddah innah siinit gacele.

Yoosuwa 22:34

Ruuben kee Gaad mari, ‹Astah sin kee ni fanal yani'gidih xisne arac YALLI ni Dagelta kinniimih sumaq akkele» 'yaanam iyyen. Tohuk gexxaamah woo aracak migaaqah «Sumaaqa» 'yaanam iyyen.

Yoosuwa 24:28

Sarrak Yoosuwa too yaabak gaba kale waqdi ummattak, «Ahaysa gexxaasita» iyyeeh; too waqdi kulli num keenik isi aracah yuduure.

1 Samuwel 7:12

Tohuk lakal Samuwel xaa bahha heeh, Mixfa kee Seen deqsita aracak fanal soolise. Too waqdi iyyeemih, «YALLI ta udduruh amma 'yaanam nee cateeh; tonna leemik ahaysa a xaak migaaqah ‹Catô-xaa› deqsitele» iyye.