Yoosuwa 24:15 - NABUWWA KEE MALIKWA

¹⁵ YALLA taqbudeenim faxe wayteenik, ta saakut edde taqbudoonu waytaanam yoo iysixxiga. Yalla aqbude wayteenik, wonnal isin akak radden sin kaxxa abbobti Mesbotaamiyah rasul sugte saaku aqbuduk ten duyyeeya akke kee, hinnay kaadu, away elle tanin baaxol Amoorâ mari aqbuduk suge duyye doortaanama. Yoo kee yi buxah maraay yi buxal taamita marah tu gactekiiy nanu YALLA aqbudenno» keenik iyye.

Yoosuwa 24:15 ပူးပေါင်းရင်းမြစ်များ

1 Malikwa 18:21

Too mari yemeete waqdi, Eliyyas foocal keenik solla 'yeh keenik iyyemii, «Isinnih taysem aaxige cinteenih, agaagulut rabten. Sin Dagelta YALLA tekkek, YALLA uqbudaay; Baqal tekkek, Baqal uqbuda» keenik iyye. Sahda too waqdi tu kaal magacsinnay tibba inte.

1 Aydaad 1:14

Kalah kaadu Kanqaanak raddem, Yabuusa deqsita maraay, Amoora deqsita maraay, Girgaasa deqsita maraay,

Yacedkel 20:39

YALLAY Mulki lehiyya kaadu iyyeemih, «Taway Israayil maraw, xeet kee cooxuk bicsen duyye taqbudeenim ableh ani'mmay, tamahat geytaanam ablettoonuk abbaasita. Tamahah, gexak teneeniik, yi amri duudusettoonuuh, xeet kee cooxuk bicsen duyyeh abtan sadgootak aadetton. Yi migaaqay taahirik yanihiyya nadaasa mabtan.

Daaniyel 3:18

Takkay immay nee cate waamah, atu yallah litom manaqbudaay, atu soolisse ceeloh gommoh maradna» kaak iyyen.

Miika 4:5

Gersi baaxoh mari Yallih aftok gersim yaqbudeeh ken gita kataya. Neh tu gactek, kulli way YALLAY ni Dageltah yani aqbudennooh; kay yab aabbenno.

Yoosuwa 24:16

Ummatta too waqdi kaal gacisseemih, «Tahaysa YALLA cabba hayneh kalah naqbudu waytam mannu. Toh inkinnah nacsubem hinna.

Makaabon 6:10

‹Sin Dagelta yoo YALLAAY; ama away isin baaxol akak tanin Amoorâ-mari yalla 'yeenih yaqbudeenim maqbudina› 'yaanam siinik exceh suge. Isiniiy woo yaabat maqal yok mahanniton 'yaanam iyye» keenik iyye.