Yoosuwa 24:14 - NABUWWA KEE MALIKWA

¹⁴ Yoosuwa qagseh keenik iyyemii, «Hay, taway, YALLAK meysitaay imaan kaal hayya haay, isinni afqadook kay qibaadat gaca. Sin kaxxa abbobti Furaat weeqaytuk woo qaxa kee Masril, Yallih aftok aqbuduk sugte duyyeeya maqbudinay, wonnah baaxot qida. Dibuk YALLA uqbuda.

Yoosuwa 24:14 ပူးပေါင်းရင်းမြစ်များ

2 Malikwa 20:3

Dooqah iyyemii, «YALLAW, inni bagu kee afqadook ku qibaada kee ku taamat sugem atu yok taaxigeh. Ku garil meqem abittoh yok orobtaamat asak suge» 'yaanam dooqah inxicca 'yeeh, namma intik kaxxa ximo kaak akah caxitte weeqah weeqe.

Yacedkel 20:18

«Ken xayloy bacaril tenek exceemih, ‹Ama sin abbobti kataatak sugte gabak bicsen ceelo makataatina; ken xinto kaadu makataatina. Xeet kee cooxuk bicsen duyyeh ceelot, isinni nadaasa maabina.

Yacedkel 23:3

Too namma maqanxá qunxuk ten saaku Masril sugeeniih; too Masriy elle sugeenihiyyal, angu keenik soocaarak, bikiri qunxih keenik kalla heenih, sarrak xiiqareh xiina yekkeenih sugen.

Hosiqa 3:5

Tohuk lakal Israayil mari YALLAY ken Dagelta kinni kee ken malikih yen Dawuduk rade amoytih fan edde yaduuroonu waan wakti amaatele. Too saaku YALLIH meysi xagarat keenik gaceleeh; YALLIH maqaane geelon» iyye.

Miika 6:8

YALLI meqeemiy abtaanahiyya siinih warseh. Toh macaay inteenik, qadaalat le taamah taamittaanam siinik faxa. Aggiriqe sinni kacanu taalleenim siinik faxa. Rammitta inteenih Yalla kinni sin Dageltih gita kataata mara takkeenim siinik faxa.

Yoosuwa 24:2

Too waqdi Yoosuwa keenik iyyemii, «YALLAY Israayil doore Dagelta kinni siinik iyyaamah, ‹Dumah yan saaku sin kaxxa abbobti Furaat weeqaytuk woo qaxal guubuh yeneeniih; too dabaanal deedaltamay Yalla iyyeenihiyya aqbuduk yenen. Toh abak teneemik numuk teeni Abraahim kee Nacor abba Terac deqsita numuk ten.

Yoosuwa 24:23

«Hay, tonnal, ama gabat liton marin mari yaqbude xeet kee coox wonnah qidaay; imaan YALLAY Israayil doore Dagelta kinnihiyyal digga haa» iyye.

1 Samuwel 12:14

YALLAK meysitteeniih, kaa tuqbudeeniih, kay amri duudusseenih, kay xinto cine wayteenih, tonnah kaadu, sin kee sin amol reeda malik YALLA kinni sin Dageltih gita kataya mara tekkeenik, kullim siinil amqele.

1 Samuwel 12:24

YALLIH amri oobbeya! Isinni afqadook kay taamat gaca. Duma siinih abem kassita.

1 Samuwel 7:3

Sarrak Samuwel Israayil marak annah iyye, «YALLAL baguuk taduureenim faxxeenik, a duyyeeyay gersi mari yalla 'yeh yaqbudehiyya kee, yalla akak intan Qastarot akak iyyaanamih ceeloy gabat litoonuhiyya wonnah qida. Dudda haytaanam kee, niyak elli haytaanamaak, YALLAL gactaanamaay dibuk kaa uqbuda. Filistiin marih gabak sin cattu waytam, inki Dagelta» keenik iyye.