Yoosuwa 23:13 - NABUWWA KEE MALIKWA

¹³ tonnal YALLAY sin Dagelta kinnihiyya a mara baaxok siinih mayayyaaqa. Takkay immay ta mari edde raddoonu waytan oflo siinil akkelon. Keetalat yoogoren numih xiiroonuh daleh inna siinil akkelon. Intih addat rade keenah gide siinil akkelon. A niqmatah tan baaxoy YALLI siinih yeceehiyyah inki num cabba haytaanam fan tamah siinit akkuk sugele.

Yoosuwa 23:13 ပူးပေါင်းရင်းမြစ်များ

1 Malikwa 11:4

Suleeman idoolite saaku, kay agbi YALLAY kay Dagelta kinnihiyyak kalah kaadu akiimiy Yallih innah yaqbudeeni ken lih yaqbudem kaal esseren. Tokkel usuk YALLAL luk suge imaanat sakki kaak cule. Kay abba Dawud elle suge gitak hoxxiimeh.

2 Malikwa 17:18

Tohuk gexxaamah YALLI Israayil-mara yinqibeeh isi garik ken xiiriyeh. Keenik raqtem, dibuk Yuudâ-mara.

2 Malikwa 17:20

Tonnal YALLI inkih yan Israayil mara yinqibeeh; ken digaaleh, ken naqboytiitiy racmatta sinnih gabal ken hee. Ellecabol isi garik ken xiiriyeh.

2 Malikwa 25:21

Ribla Camat deqsita rasul tan magaalak ten. Tokke ken baahen waqdi, malik ken qidsiiseh. Yuudâ mara seewah elle beenim tonnak ten.

2 Malikwa 25:26

Toh yuble mari, qunxa num kee kaxxa numu axce'kal qaskar abbobtih agantah, Baabelon marih meysih Masri fan kuden.

Yacedkel 28:24

YALLI iyyeemihii, «Faxe baaxooxay dariifal geytimma 'taah, ken bursutak sugtehiyya tahak wadir Israayil ummatal ada matakka. Too waqdi YALLAY Mulki lehiyya kinniyom aaxigelon.»

Makaabon 2:21

Tahaysa, Yoosuwak wadir baaxol raaqe mara, Israayil mari ken gutuqak baahaanamah baaxok keenih mayyaaqa.