Yoosuwa 23:12 - NABUWWA KEE MALIKWA

¹² Isinni Dageltal imaan hee wayteeniih woo sin addat raaqe marat tengeleenih keenik rihimteenik,

Yoosuwa 23:12 ပူးပေါင်းရင်းမြစ်များ

1 Malikwa 11:2

YALLI dumaak, ‹Israayil ummatey, tama marak madigibina. Rihimten sin tekkek, imaan siinik boolayseloonuuh, yalla akke sinniimih qibaadat sin asiselon› keenik iyyeh suge'mmay, tohuh Suleeman too marih xayloh rihimik mawaasiminna.

1 Malikwa 11:4

Suleeman idoolite saaku, kay agbi YALLAY kay Dagelta kinnihiyyak kalah kaadu akiimiy Yallih innah yaqbudeeni ken lih yaqbudem kaal esseren. Tokkel usuk YALLAL luk suge imaanat sakki kaak cule. Kay abba Dawud elle suge gitak hoxxiimeh.

Yasaqya 1:4

Dambi-le-ummattey, mako-le-maray, umaane-raceynittey, taama akak toome urrow, YALLA cabba hayteenih, Israayil doore Dageltay *kudduusuk yanihiyya bursutteenih darre kaat cabten.

Yacedkel 18:24

«Meqe num abak suge maqaane cabbaay, uma mari abak suge umaane kee taamat cule kaa tekkek, tonnal waaru waam maay takkalen? Waar hinna'mmay, woo duma abe maqaane kaak baata. Luk suge imaan cabak, yok yexxeereeh dambit aseemih sabbatah, rabele.

Xafanya 1:6

Yot darre cabaah, yi gita kataate waa mara bayseyyo. Too mari yot baaqid sinni maray catoh yol kibalsite waahiyya kinnon» iyye.

Yoosuwa 23:11

Wohoysaay YALLAY sin Dagelta kinnihiyya ikcinaay tohul digga 'xica. Toh sin taagah siinik axceemi.

Makaabon 14:3

Kay ina kee abba kaak inteemih, «Rihimih woo *Filistiin-maray diini-maleelah yanihiyya fan maca koo beyta? Akkel isi gulubih addal, hinnay kaadu, ni marih addal baxuwwa waytee?» kaak iyyen. Samsoon isi abbak iyyeemih, «Anu yoh bahtam kok faxam, too awkáay; yikcineh» kaak iyye.

Makaabon 3:6

Say xaylo rihimih keenik abiteeniih, isinni xaylo kaadu rihimih keenih yeceen. Tohuk kalah, oson aqbuduk sugen duyyeeya ken lih yuqbuden.