Yoosuwa 23:10 - NABUWWA KEE MALIKWA

¹⁰ YALLI isih xagana siinih elle culla 'ye innal, qeebi isih siinih abeeh; tonna-leemiik sin marak inki num keenik alfi num yeyredde.

Yoosuwa 23:10 ပူးပေါင်းရင်းမြစ်များ

2 Samuwel 23:8

Dawud qaskarih addak agiirah ten qaskarih migaq ah kaana. Naharsi agirii, Yoseb-Basseebet deqsitak yeneeh; elle yoobokem, Tahkemon deqsita araca. ‹Yaaxigen Sidoc› deqsita marih abbah yen. Bacra bool yakke marat macaxut qeebi abeeh, inki saakih carbit too bacra boolih num selli hee.

1 Aydaad 5:20

Too qeebih addat, «Nee cat» axcuk Yallal weeqen waqdi, Yalli ken cateh, Hagrih-yooboke-mara kee carbil ken catak yen marak qeebil ken yiysiiseh. Yallal aaminuk yeneenimih sabbatah, usuk ken kallaci yoobbe.

Yasaqya 30:17

Keenik inki qaskariiti siinik alfi num ayraddele. Keenik koona qaskariiti, takkeenimik sin ayraddele. Qaleh amol takarten sinbiilik sah, qaskarak tu siinih maraqta.

Zakariyya 12:8

Yooy YALLA kinni Yarusalaamal yan mara too ayro dacriseyyooh; gacca 'yaah, kaxxa boola keenik le num Dawud gide qandek aallele. Dawuduk rade mari yoo kee yi malaykattih innah ken miraacisele.

Yoosuwa 10:42

Yoosuwa a gid takke baaxo kee teetil yan mara kee malikwak edde yeysem, inki adda abe gaaduk ten. Wohim akah tekkem, YALLAY Israayil doore Dagelta kinnihiyya ken lih yeneeh; taham akah tekkem tohu.

Yoosuwa 23:11

Wohoysaay YALLAY sin Dagelta kinnihiyya ikcinaay tohul digga 'xica. Toh sin taagah siinik axceemi.

Yoosuwa 23:3

YALLAY sin Dagelta kinnihiyya sin taagah a baaxo akak tibbixen marak inkih abem tubleenih. YALLI sin taagah a marat qeebi abem tubleenih.

Makaabon 15:15

Sarrak xayi wakti rabe dananih qangabbi-lafa geeh, qununna 'yeh woo qangabbi yakkuqeeh, too lafat alfi num qide.

Makaabon 3:31

Eehud lakal Israayil mara cattem, Qanát-Samgar deqsita numuk ten. Usuk Filistiin marak laca boolih num, laa edde dacrisan af le birtat qide.

1 Samuwel 14:6

Yonaatan woo furraynuy kaa'lih yanik iyyemii, «A *Filistiiniy diini-maleelah tanihiyya elle tani'kke fan nee bey. YALLI nee catam takkehik, dagnah faxeh gide nakke'mmay YALLI isih faxek, keenik nee aysiisele» iyye.