Yoosuwa 22:6 - NABUWWA KEE MALIKWA

^6-8 Sarrak oson isinni buxah gexoh ugten waqdi, dooqa keenih abba heeh, sarrak keenik iyyemii, «Buxa fan gexxan way mango laay lakqo kee dahabaay nacaas kee biriita kee mango sartan luk aduurettoonu'mmay, naqaboytiitik dannabah orbisseenim isinni kedo lih haysita» keenik iyye. Sarrak too mari isi buxa fan gexe. Muusa isih, addunyal yen saaku, Manasseh yooboke marak abxah Ordon weeqaytuk ayrô-mawqa le kabut raqta baaxo yeceeh yen. Raaqe garabah, aki kedooday woo baaxol tani luk, Ordon weeqaytuk ayrô-culma le kabut raqta baaxo Yoosuwa keenih yecee.

Yoosuwa 22:6 ပူးပေါင်းရင်းမြစ်များ

2 Samuwel 6:18

Dawud sadgatak gaba kalla hee waqdi, YALLAY Nabaamak Nabahiyyah migaaqal, tokkel suge marah inkih dooqa abe.

2 Samuwel 6:19

Sarrak Israayil marak lab-mara kee say marah inkih, gaqamboh ikke kee solal alaysen cadoh ikke kee, kafsen qinab-xaylok tu'baxa takkem keenih keefe. Tohuk gaba kaleenik lakal, kulli num isi buxah keenik gexe.

2 Samuwel 6:20

Sarrak Dawud isi buxah marah dooqa aba'gidih yemeete waqdi, Miikal qari afal kaah garayteeh, too waqdi kaak intemii, «Kamba a saaku Israayil amoytaw, kaxxam migaq is teymeeqe! Isi gubal taamita marih baxuuwuy ken naqoosah yanihiyyah foocal, duqur innah qasunuk is hayya hayteeh; kamba migaq is teymeeqeh!» kaak inte.

1 Malikwa 8:66

Bacarhaytoh ayro Suleeman yemeete mara le baaxo fanah rubsuuse. Too ummattay YALLI isih doorehiyya, YALLI Dawuduy kay naqasuh yenehiyya kee Israayil ummattat hee barkat yublen waqdi, kaa faylisak ruffu axcuk yuduuren.

2 Aydaad 30:18

Toh lih kaadu Efrayim kee Manasseey Issakar kee Dablon kedoh yooboke mari taahirik suge weemih sabbatah, Elle-Tatriyyi-Qiidih maaqo, kitaabal elle ane wayta innal, yokmen. Malik Ciskiyyaahu too marah Yalla kallaceeh iyyeemih, «YALLAW, ni kaxxa abbobti doore Dageltaw, a mari taahirik ane waamah isinni baguuk koo yuqbudeemih sabbatah, isih lito maqaanet qafu keenih ab» iyye.

Yoosuwa 14:13

Yoosuwa, Kaalibih dooqa abba heek gamadal, Cebron magaala ikoytah kaah yeexege.

Yoosuwa 24:28

Sarrak Yoosuwa too yaabak gaba kale waqdi ummattak, «Ahaysa gexxaasita» iyyeeh; too waqdi kulli num keenik isi aracah yuduure.

1 Samuwel 10:25

Tohuk lakal Samuwel ummattah inkih, malik le cakki kee ummatta kaadu kaal le cakki warseh. Gaba kalla hee waqdi, keenih warsem kitaabal uktubba heeh, woo kitab taahirik yan aracat daanise. Tohuk gaba kale waqdi kulli numuk, «Ahaysa isinni buxah uduura» iyye.

1 Samuwel 13:2

Saawul Israayilik sidiica alfih num dooreeh; woo sidiica alfik namma alfih num Beetal deqsitta baaxoy mango qaleela lek Mikmas deqsita aracal is lih raaqise. Alfi num kaadu Benyam rasul ten Gibqa deqsitta magaala fan isi baxay migaaqah Yonaatan deqsitahiyya lih ruube. Raqqa 'ye mara buxah ruube.

1 Samuwel 2:20

Too waqdi Qeli Elkaana kee Cannah dooqa abak yeneeh; Elkaanak, «YALLI a barrat a awkay YALLIH taamat hayteenihiyyah aftok, gersi xaylo koh yacaay» axcuk yen. Tohuk lakal isinni buxah gexak yenen.