Yoosuwa 22:11 - NABUWWA KEE MALIKWA

¹¹ Israayil marak raaqe mari, «Tawayii, Ruuben kee Gaad kee garab yakke Manasseh kedo nee le kabut raaqa Ordon weeqaytih garil Gallot deqsita baaxol sadgat elle aban arac bicsen» yoobbe waqdi,

Yoosuwa 22:11 ပူးပေါင်းရင်းမြစ်များ

Yoosuwa 2:7

Malik mari magaalak ken goranah yewqe waqdi magaalah afa alfeenih. Sarrak malik mari woo gibâ-marih goranah Ordon weeqaytuk akak taban gitah amma 'yaanam fan gexe.

Yoosuwa 22:10

Too mari Gallot deqsita aracay Ordon weeqaytuk ayrô-culma le kabut raaqahiyya gufen waqdi, weeqayti garil kaxxam naba aracay sadgat elle abaana bicsen.

Yoosuwa 22:16

keenik iyyeenimih, «Nanu YALLIH mara kinnuk siinik innaamah; Israayil ummat doore Dageltal annah tanim akah bahteenim macaay? Sadgat elle aban arac isinni taagah xisseeniih YALLIH amri cinteenim hinna? YALLIH amri katattoonu cinteenih.

Yoosuwa 22:19

Sin baaxo qibaada elle aban baaxo akke waytek, amay nanu elle nan baaxol ne'lih gacaay, tokkel YALLIH Qibaadah-Siraq elle yan aracal kaa uqbuda. Takkay immay YALLAY nee doorehiyyah dumaak xisne aracay sadgat elle abnahiyyak kalih aracay sadgat elle abaana mahaysitina. Toh abteenik, YALLIH yab cina mara akkettoonuuh nek kaadu naqboytit akketton.

Makaabon 12:5

Efrayim-mari akak kuda gita yabbixeeni'gidih, Gilqad-mari Ordon weeqaytuk akak taben afa keenik yibbixen. Efrayim-mari tokkek tabam faxa waqdi, Gilqad-mari tabeenak afal keenih suggu 'yeh, kulli numuk, «Efrayim num maay kinnito?» kaak axcuk sugen. «Aleey hinniyo» iyyekii,