Yoosuwa 21:44 - NABUWWA KEE MALIKWA

⁴⁴ YALLI too baaxol, duma ken kaxxa abbobtik elle iyye innal, yakkeenimiik amaanah ken xiinise. Keenik naqboytiitih yen marah qeebih aabbuk manannon. Woh akah takku duddem, YALLI Israayil marak qaduwwi ayse waa'gidih, ken catak mayso keenih acayuk yen.

Yoosuwa 21:44 ပူးပေါင်းရင်းမြစ်များ

2 Aydaad 13:16

Israayil-mari, Yuudah yooboke marak yoowwe. Yalli Yuudâ-marih gabal ken hee.

Yasaqya 63:14

Saq qayso le ikke elle beyan innal, YALLIH *Roocaaniyya isi mara elle yaffoofen ikke beyte. Tonnal, YALLAW, isi marak foocat gacca 'teh beyak isi migaaqat nabna hayte.

Yoosuwa 1:13

«Muusay YALLIH-naqasuh yenehiyya duma siinik iyyem mahawweenina. Iyyemii, ‹YALLI, Ordon weeqaytuk ayrô-mawqa le kabut raaqa aracal tan baaxoy away elle taniinihiyya dabaaqah siinih ecee› siinik iyyeh suge.

Yoosuwa 1:15

Isinni tooboko cattaanam siinil tan. Siinik kaxxih YALLAY sin Dagelta kinnihiyya keenih yecee baaxo guffu heenih tokkel nokka iyyaanam fanah qokol keenih takkeenimi. Tohuk gaba kaltan saaku, Ordon rasul ayrô-mawqa le kabut raqta baaxoy YALLIH-naqasuh yen Muusa siinih yeceehiyya fanah aduuretton» 'yaanam keenik iyye.

Yoosuwa 1:5

Tonna'mmay Yoosuwaw, atu addunyal tanim fan qeebil num kok mayaysaay; anu kaadu Muusa lih akah suge innah ko'lih aneyyo. Kok mabaxsimaay way koo macaba.

Yoosuwa 11:12

Yoosuwa amoytitte elle sugte magaalooli kee woo magaaloolih malikwa inkih yibbixeeh; Muusay YALLIH naqasuh yenehiyya elle inxicca 'ye innal, tokkel suggu 'ye mara inkih qideenih.

Yoosuwa 11:23

Tonnal YALLI Muusa akah amrise innal, Yoosuwa woo baaxo yibbixeh. Yoosuwa woo baaxo Israayil marah ikoytah yeceeh; kulli kedohuuy exxa-exxah keenih kure. Kulli kedoh ken gufa ken xexxar keenih yecee. Too ayrok wadir ummatta carbik toffoofeh raqte.

Yoosuwa 11:8

YALLI Israayil mara qeebil keenik yiysiiseh, ken gabal ken hee. Israayil mari Misrafot-Mayim kee Sayda deqsitta baaxo fan ken ayradduk been. Tohuk kalah kaadu Mixfâ Golo deqsitta baaxoy ayrô-mawqa le kabut raqtahiyyah amma 'yaanam fan xiiriyak ken been. A maray Israayilik naqboytiitih yenehiyya saabo cabba haam fanah qeebi gexak suge.

Yoosuwa 2:24

Sarrak iyyeenimih, «YALLI a baaxo inkih neh yeceem digga le. Macaay intek, wokkel enna 'ya mari inkih meysih bux nek haak raaqe» iyyen.

Yoosuwa 22:4

YALLAY sin Dagelta kinnihiyya kaadu isih cule xagana siinih duudusseeh; Israayil maray sin toobokoh yanihiyyah amaan yecee. Duma YALLIH naqasuh yen Muusa, Ordon weeqaytuk ayrô-mawqa le kabut raqta baaxoy qeebit nibbixehiyya siinih yeceeh yen. Tahaysa too baaxol tan sin dabqa fanah uduura.

Yoosuwa 22:9

Ruuben kee Gaad kee garab yakke Manasseh yooboke mari isi baaxo fan tonnal yuduuren. Raqte Israayilih yooboke mara Kanqaan rasuk Siilo deqsita aracal elle cabeeniih; isinnih isinni baaxoy Ordon weeqaytuk ayrô-mawqa le kabut raqta fan gexen. Ken baaxo migaaqah Gilqad deqsitak ten. Too baaxoh keenih teceem Muusak teneeh; Muusak keenih ucuya intem YALLA.

Yoosuwa 23:1

YALLI Israayil mara naqboytiitik amaan abek lakal, mango wakti tatreeh; Yoosuwa kaxxam idoolite.