Yoosuwa 21:32 - NABUWWA KEE MALIKWA

³² Naftaalî-kedok sidiica magaala keenih yeceen. Galiil addal ten magaalay Kedes deqsittahiyyay megloh aleelitaanahiyya kee tet dariifal tan lacti malaalah baaxo kee, Cammot Door kee Kartan deqsitta magaalooli kee tet dariifal tan lacti malaalah baaxo inkih keenih yeceen.

Yoosuwa 21:32 ပူးပေါင်းရင်းမြစ်များ

1 Aydaad 6:76

Naftaali kedo le baaxok sidiica magaala keenih yeceen. Galiil addal tan magaalay Kedes deqsittahiyya kee tet dariifal tan lacti malaalah baaxo kee, Cammon kee Kiryatayim deqsitta magaalooli kee tet dariifal tan lacti malaalah baaxo keenih yeceen.

Yoosuwa 12:22

Kedes deqsitta magaalal yen malikiiy, Karmel deqsita aracih xaqul tan magaalay migaaqah Yoknaqam deqsittahiyyal yen malikiiy,

Yoosuwa 19:35

Gaso maroh edde tan magaaloolik keenih yeceenim, Xiddim kee Seer kee Cammat kee Rakkat kee Kinneret kee

Yoosuwa 19:37

Kedes kee Adraqi kee Qen-Caxor kee

Yoosuwa 20:7

Toh yoobbe waqdi, Israayil mari lica magaala dooren. A leceeyik sidoc Ordon weeqaytuk ayrô-culma le kabut raaqak yeneeh; aki sidoc ayrô-mawqa le kabut raaqak yen. Ayrô-culma le kabut dooreenim, Naftaali deqsitta kedoh qaleela le baaxok Galiil rasul ten magaalay Kedes deqsittahiyya kee, Efrayim kedoh qaleela mango aracal ten Seekem deqsitta magaala kee, Yuudâ-rasuk qaleela mango baaxol tan Kiryat-Arbaq deqsitta magaalay a saaku Cebron deqsitta. Ayrô-mawqa le kabut dooreenim, Ruuben kedo le baaxol tan Bexer deqsitta magaalay bacarih tan baaxol gudel tanihiyya kee, Gaad deqsitta kedo le baaxol tan Raamot magaalay Gilqad rasul tanihiyya kee, Manasse deqsitta kedo le baaxol tan Goolan deqsitta magaalay Basan rasul geytintahiyya.

Yoosuwa 21:33

Tonnal Gerson-gulubuh tittat taban kee sidiica magaala kee woo magaaloolih dariifal tan lacti malaalah baaxo keenih yeceen.

Makaabon 4:6

Ayrok teena Abinqám-Barak deqsita numuy Naftaali deqsitta baaxol tan Kedes deqsitta magaalal guubuh yenehiyyah farmo rubte. Farmoh kaak inteemih, «YALLAY Israayil doore Dagelta kinnihiyya amri kol oobiseh kok iyyeemih, ‹Naftaali kee Dablonuk tabna alfi yakke mara baahay Taabor qale fan ken bey.