Yoosuwa 2:24 - NABUWWA KEE MALIKWA

²⁴ Sarrak iyyeenimih, «YALLI a baaxo inkih neh yeceem digga le. Macaay intek, wokkel enna 'ya mari inkih meysih bux nek haak raaqe» iyyen.

Yoosuwa 2:24 ပူးပေါင်းရင်းမြစ်များ

Yoosuwa 1:8

Tama xinto elle tunkuttube kitab kulli waqdi kassitay mahawweenin. Bar kee laqoh kawis. Tama kitaabih addal tanim inkih duudussem keh nagay isik cubbus. Taham abtek kullim kol amqeleeh; kullim gabal akak bicta num akketto.

Yoosuwa 2:23

Tohuk lakal taaxige gibâ-mari nammay qaleela-le-baaxok oobeeniih, weeqaytuk tabba 'yeenih Yoosuwa fan yuduuren. Too waqdi tikka 'tem inkih kaah warsen.

Yoosuwa 5:1

Tikki 'ya Amoorah yooboke maray Ordonuk ayrô-culma le kabut raaqahiyya kee, Kanqaan amoytittey Maditraaniyah badih dariifal tanihiyya takkeemiik YALLI Ordon weeqaytu Israayil mari akak tabam fanah kafsem yoobben. Tohuk gexxaamah kaxxa meysi ken tibbixeeh, niya keenik radde.

Yoosuwa 6:2

YALLI Yoosuwak iyyemii, «Anu Yerikô-magaalaay tet malik kee teetil enna 'ta agiirah tan qaskar ku gabal heeyyo.

Yoosuwa 8:1

Tohuk lakal YALLI Yoosuwak iyyemii, «Tikka 'ta qaskar gabat haay, woo Qaay fan gex. Mameysitinay niya kok baxaqe waytay, Qaay magaalah malik kee woo magaalal tan ummattak qeebih koo aysiiseyyo. Woo magaala kee baaxo sinim abeyyo.

Makaabon 1:2

*YALLI too yaabal keenil gacseemih, «Yuudah yooboke mari gexxa 'yeh yabbixeemi; a baaxo akah acayu waam keeni» iyye.

Makaabon 18:10

Wokke guftoonu waytan waqdi ablettoonu'mmay, qeebi net akkeleh bical yan marak masugan. Sin yablen way sin madereeman. Baaxo kaadu kaxxa baaxoy num faxxa haam elle geyahiyya. A baaxo Yalli siinih loowe baaxok, ugutay raaqisa» iyyen.

Makaabon 7:9

Too bar YALLI Gidqoonuk, «Ugutaay gexay qeebi keenit abay; elle yanin arac keenik ibbix. Anu keenik koo aysiiseyyok» kaak iyye.