Yoosuwa 2:14 - NABUWWA KEE MALIKWA

¹⁴ Osonuuy teetik iyyeenimih, «Nanu inxicci innam abe waynek, Yalli nee qiday. Nanu abak sugnem gersi marah warse waytek, YALLI a baaxo neh yacayu waa saaku koh amqennoomuh xagana koh culla» teetik iyyen.

Yoosuwa 2:14 ပူးပေါင်းရင်းမြစ်များ

2 Samuwel 2:5

Dawud tokke farmoh sinam ruube. Iyyeemih, «Isinni malik toogoqeeniih, digga le mara tekken. Tohuh YALLI barkat siinit haay.

2 Samuwel 2:6

YALLIH maqaane sin taafay; YALLI wakali siinih yakkay. Isin abten meqe taamak gexxaamah anu kaadu siinih amqeyyo.

2 Samuwel 9:1

Ayrok teena Dawud iyyeemih, «Malik Saawul buxah mari, tanim maay le? Yeneenik, ken catam faxa. Woh akah axcem, Yonaatan yok kataysak yen» iyye.

1 Malikwa 20:39

Sarrak malik woo gitak tabam yuble waqdi, a nabi anay fayya haak, kaak iyyemii, «Amoytaw, anu qeebi addat suge waqdi, qaskariiti qeebit yibbixen num yol baaheeh, yok iyyemii, ‹Tama num digga hay; faxe innalaay takkay kok yuftuce kaa tekkek, isi rooci edde aceetto. Woh akke waytek, lakqok sidooca alfi mekletto› yok iyye.

Yoosuwa 2:13

Yi ina kee yi abbaay yi tooboko kee yi maqanxiixiiy ken buxah mara inkih qide waytaanamah xagana yoh cula. Sin marak, ‹Ken maqidina› inxica» keenik inte.

Yoosuwa 2:15

Racab qari magaalat maroh yan gidaarat xakabuh yeneeh; sarrakaay woo mara akattat uxuyya hayteh qarik taagatak addah ken oobisse.

Yoosuwa 6:17

Sarrak kaadu iyyeemih, «A magaala kee tet addal tanim inkih YALLIH sadgatah bayisa. Racab deqsitta xiiqareh xiinah ten barra nanu gibah rubne mara neh tooqoreemih sabbatah, tet buxah mara kee tet maxagina.

Yoosuwa 6:22

Yoosuwa woo gibah ruubeh suge namma numuk iyyemii, «Woo xiiqareh xiinah tan barrah buxa gexay, xagana teetih akah culten innah tet kee tet buxah mara baaha» iyye.

Yoosuwa 6:25

Yoosuwa, Racab kee teetih ramad elli haytam inkih rabak cateh. Woh akah abem is, usuk Yerikô-magaala fan gibah ruube namma num tooqoreh raaqisseh ten. Teetih ramad le mari a saaku fan Israayil baaxol yan.

1 Samuwel 20:8

Ku maganah yi taagah tamaham ugdubba haay, yoh culte Yalla-kee-xagana mamakin. Qellat yot tublek, ku abba fan yoo mabenay, isih yoo qiddisit» kaak iyye.