Yoosuwa 19:12 - NABUWWA KEE MALIKWA

¹² Saarid magaalak cuduud keenik ayrô-mawqa le kabul Kislot-Taabor deqsita rasih cuduuduh amma 'yeh; tokkeek kaadu Dabrat magaala kee Yafiyaq deqsitta magaala gufe.

Yoosuwa 19:12 ပူးပေါင်းရင်းမြစ်များ

1 Aydaad 6:72

Issakar kedo le baaxok affara magaala keenih yeceen. Tohumuu, Kedes kee Dabrat kee Raamot kee Qanam kee, a affara magaalah dariifal tan baaxoy lacti qayso lehiyya keenih yeceen.

Yoosuwa 19:11

Tokkeek cuduud keenik ayrô-culma fanah gexak Marqala deqsitta magaalak Dabbaset deqsitta magaala gacca 'yeh Yoknaqam deqsitta magaalak ayrô-mawqa le kabut raqta golo guffa haak yen.

Yoosuwa 19:13

Tokkeek ayrô-mawqa le kabuk Gat-Ceefar kee Ektaxin deqsitta namma magaala guffa haa. Tokkeek Rimmon deqsitta magaalak gacca 'yah Neeqa deqsitta magaala fan gufa.

Yoosuwa 19:22

Kilbat le kabul cuduud keenik Taabor deqsitta qalek Sacsiima kee Beet-Semes deqsitta magaalak tabba 'yeh ayrô-mawqa le kabul Ordon weeqaytut idiyya axcuk yen. A marih magaala tittat taban kee lica magaala akkuk ten. Toh lih kaadu woo magaaloolih dariifal tan gaandoodi edde anuk keenih yeceen.

Yoosuwa 21:28

Issakar-kedok affara magaala keenih yeceen. Tohumuu, Kisyon kee Dabrat kee Yarmut kee Qen-Gannim kee, lacti malaalah baaxoy woo magaaloolih dariifal tanihiyya inkih keenih yeceen.

Makaabon 4:12

Sisra, Barak Taabor-qale yewqem yoobbe waqdi,

Makaabon 4:6

Ayrok teena Abinqám-Barak deqsita numuy Naftaali deqsitta baaxol tan Kedes deqsitta magaalal guubuh yenehiyyah farmo rubte. Farmoh kaak inteemih, «YALLAY Israayil doore Dagelta kinnihiyya amri kol oobiseh kok iyyeemih, ‹Naftaali kee Dablonuk tabna alfi yakke mara baahay Taabor qale fan ken bey.