Yoosuwa 18:8 - NABUWWA KEE MALIKWA

^8-9 Woo maray dooreenihiyya Yoosuwa fan yemeeteh. Too waqdi Yoosuwa keenik iyyeemihii, «Ama siinih niyaaten baaxoh addat gexam gexa. Baaxo elle tan inna uktubba haay yol baaha. Toh bahtan waqdi, baaxol saami caxxa siinih elle qida inna YALLA essereyyo» keenik iyye. Too mari gexeeh woo baaxo gexam gexak adda akak wagittaay malcina exxal kurra heenih yemeeten. Baaxok kulli exxat magaaloolik tanim uktubba heenih yemeeten. Tokkeek Siilo deqsitta magaalal yen ken ruube Yoosuwa fan yemeete.

Yoosuwa 18:8 ပူးပေါင်းရင်းမြစ်များ

Yasaqya 34:17

Baaxo keenih kurtu waytam YALLA'mmay, tokkel dabaaqah sugelon. Baaxo kaadu daayiman kenim akkele.

Yoosuwa 13:7

Tama baaxo Israayilik sagla kedo kee Manasseh yooboke marak kedok garabay raaqehiyyah a waqdiik ixigaay ken xexxar keenih waris» kaak iyye.

Yoosuwa 15:1

Yuudak rade mari baaxok isi xexxar geeh. Geen baaxo mangah akkuk tenem magideey inteenik, bacarih tan baaxok Xiin deqsita aracay gabbi-qaxak xer exxat raqqa 'yahiyya fan gufak ten. Tohumuu, Edom marih cuduud edde yaade ikkek ten.

Yoosuwa 18:1

Baaxo qeebit yibbixeenik lakal, inkih tan Israayil ummat Siilo deqsitta magaalal gaaboowen. Tokkel Yallih Nabnah-Siraq soolisen.

Yoosuwa 18:10

Yoosuwa saami caxxal YALLI keenih loowe baaxo yable'gidih, saami caxxa qide. Tohuk lakal saami caxxal keenih tewqe baaxoo, baaxo geeh suge wayte kedoodah yecee.

1 Samuwel 14:41

Tohuk lakal Saawul YALLAK iyyemii, «YALLAW, Israayil doore Dageltaw, a saaku dooqak raddi macah yoh gacse wayte? A taahirik yan xaal tuk teena yol gacis. Qellat lem yoo kee Yonaataanak numuk teena tekkek, *Urim migaaqal eyyeeqaay; hinnay ku maray Israayilih yoobokehiyya tekkek, *Tummim migaaqal eyyeq» iyye. Too waqdi Saawul kee Yonaatan 'yaanam tewqe. Tonna-leemiik ummatta too qellatat ane waytam tumbulle.