Yoosuwa 18:7 - NABUWWA KEE MALIKWA

⁷ Leewih yooboke marah tu gactek, too mari sin lih baaxo mageyaay; oson baaxoh aftok taamah loonum, YALLIH seekah anuk YALLIH taamat gacaanama. Gaad kee Ruuben kee Manassek ayrô-mawqat raqta exxa isi xexxar baaxok geyteh. Too baaxo naharal elle Muusay YALLIH naqasuh yenehiyya keenih yeceeh suge baaxo kinni» 'yaanam iyye.

Yoosuwa 18:7 ပူးပေါင်းရင်းမြစ်များ

Yoosuwa 12:6

Ta namma malikik qeebil iissa 'teh baaxo keenik raaqissem, Muusa kee Israayil ummatak ten. YALLIH naqasuh yen Muusa a baaxo Ruuben kee Gaad deqsitta namma kedo kee, Manasse deqsitta kedok kaadu garab yakke marah keefeeh, ikoytah keenih yecee.

Yoosuwa 13:33

Takkay immay Leewih yooboke marah baaxo maacanna. YALLAY Israayil doore Dagelta kinnihiyya kaak iyyemii, «Leewih yooboke mari, baaxoh aftok yoh baahan sadgat ikoytah lon» 'yaanam iyyeh yeneeh; tohuk gexxaamah keenih maacannon.