Yoosuwa 18:10 - NABUWWA KEE MALIKWA

¹⁰ Yoosuwa saami caxxal YALLI keenih loowe baaxo yable'gidih, saami caxxa qide. Tohuk lakal saami caxxal keenih tewqe baaxoo, baaxo geeh suge wayte kedoodah yecee.

Yoosuwa 18:10 ပူးပေါင်းရင်းမြစ်များ

1 Aydaad 24:5

A namma marih addat inkihii, Qibaadâ-Qarih abbobti kee, awliyah yan mari yeneeh; tohuk gexxaamah ken gabal taama haanamak naharal aboonu waan taamah saami caxxa qiden.

Nacmiya 11:1

Abbobtih yan mari Yarusalaamal nooke. Too saaku, tabna numih addak inki numuy taahirik tan Yarusalaam magaalal dabaaqah gacu waahiyyah saami caxxa qiden. Wohuk raqqa 'ye mari elle suggu 'ye magaaloolil elle raaqe.

Ermiyaas 7:12

Siilo deqsita aracal, duma yi qibaadah bicseenih sugen aracal baahem gexay wagita. Too aracal tonnah tanim akah baahem, Israayil maray yi marah yanihiyya baahe dambih sabbata.

Yacedkel 47:22

Sin ikoyta akkele. Allî-baaxoh maray sin addal yaniih xaylo sin addal xaleeh qarsitehiyya, tama baaxo kurta saaku, ken akak macabinaay ken afto keenih akak ucuy. Israayilih yooboke marih intit ken ubulaay, baaxo kurta saaku Israayil xaylok kaxxih, baaxol saami caxxa keenih qidaay, ken afto keenih ucuy.

Yacedkel 48:29

YALLAY Mulki lehiyya iyyeemih, «Israayil marah ikoytah tantacawwu wayta baaxo elle kurruntu waytam tama'nna» iyye.

Miika 2:5

YALLI toh akak iyye mara kinnitoonuuh; tohuk gexxaamah, YALLIH mari baaxo kulli buxah marah kuru waa saaku, isin too baaxot afto manton.

Yoosuwa 14:2

YALLI dumaak Muusak iyyemii, «Israayilik sagla kedo kee garabah baaxo teceen waqdi, saami caxxa elle qidak keenih ucuya» 'yaanam iyyeh yen.

Yoosuwa 14:5

YALLI, Muusak, «Israayil ummatah baaxo ucuya» elle iyye innal, Israayil mari keenih kure.

Yoosuwa 18:11

Yalli saami caxxal naharak yeyyeeqe baaxo akah tontocowwem, Benyam kedoh yooboke mara. Too mara gufte baaxo Yuuda kee Yuusufuk rade marih baaxok fanal ten.

Yoosuwa 18:8

Woo maray dooreenihiyya Yoosuwa fan yemeeteh. Too waqdi Yoosuwa keenik iyyeemihii, «Ama siinih niyaaten baaxoh addat gexam gexa. Baaxo elle tan inna uktubba haay yol baaha. Toh bahtan waqdi, baaxol saami caxxa siinih elle qida inna YALLA essereyyo» keenik iyye. Too mari gexeeh woo baaxo gexam gexak adda akak wagittaay malcina exxal kurra heenih yemeeten. Baaxok kulli exxat magaaloolik tanim uktubba heenih yemeeten. Tokkeek Siilo deqsitta magaalal yen ken ruube Yoosuwa fan yemeete.

Yoosuwa 19:51

Sek Alqedar kee Nuun-Yoosuwa kee Israayil makaabon Siilô magaalal Israayil-kedoodah baaxo kurra heen. Tokkel Yallih Nabnah-Siraqak culmal, saami caxxa keenih qidak, woo saami caxxal YALLI akah iyye numuh acayuk, baaxo tonnal keenih yeceen.

Yoosuwa 23:4

Ordon weeqaytuk xabba haanamaay Maditraaniyah badah amma 'yaanam tan baaxo sin marah eceeh an. Qeebil akak iissa 'ne marih baaxo siinih eceeh aniih; uxih qeebi edde abe wayten marih baaxo kaadu, siinih eceeh an.