Yoosuwa 18:1 - NABUWWA KEE MALIKWA

¹ Baaxo qeebit yibbixeenik lakal, inkih tan Israayil ummat Siilo deqsitta magaalal gaaboowen. Tokkel Yallih Nabnah-Siraq soolisen.

Yoosuwa 18:1 ပူးပေါင်းရင်းမြစ်များ

2 Samuwel 7:6

‹Israayil mara Masrik eyyeeqeemiiy akke fanah qarit magaciyyo. Kulli way siraq addat sugeeh, aracaak arac too siraaqat gexak suge.

1 Malikwa 14:2

Abba toh yuble waqdi isi barrak iyyemii, «Koo elle aaxige waan sartanat gacca 'xicay Siilo fan gex. Aciiya deqsita nabiy duma Israayil malik akketto 'yaanam yok iyyeh sugehiyya tokkel koh sugelek, kaal gexetto.

1 Malikwa 14:4

Kay barra tonnah abteeh, Aciiyâ-buxay Siilol tenehiyya fan gexxe. Aciiya idoolinnah namma inti weeh yen.

1 Malikwa 2:27

Tohuk wadir YALLAH abak yen seekâ-taamak kaa kaleh. Toh abe waqdi, YALLI, Sek-Qeli kee kay ramadat akkele iyyem nummak maacisse.

Nacmiya 9:24

Kanqaan baaxol suge marak qeebil ken tiysiiseh. Wokkel suge mara isi marih milkih hayte. Kanqaan malik kee kay marak isinnih faxeenim abitaana'gidih, ken gabal ken hayte.

Ermiyaas 26:6

ama qariy yi qibaadah xiseenihiyya Siiloh innah hayya heeyyo. A magaala foyya abba heeh; sarra teetit tekkem yubleeh yoobbe mari itta abaara waqdi, «Woo magaalat tekkem siinit takkay» axcuk, abaaroh tet haysitelon› 'yaanam keenik inxic» yok iyye.

Ermiyaas 26:9

YALLI, ‹A Qibaadah-Qarik Siilok abem abeyyo› iyyeeh, ‹A magaala num dabaaqah elle gace waa abur abeyyo› iyye; akah intem macaay?» axcuk, yakkeenimiik kaa dadhen.

Ermiyaas 41:5

Seekem kee Siilo kee Samaariya deqsitta magaaloolik bacra-tabanih num yemeete. Too mari deben isik mollaay, tonnah kaadu, sara isinnik qanxissa heenih yemeeten. Xagar kaadu isinnik toobiyeenih yemeeten. Yemeeten waqdi, Yarusalaamal YALLIH Qibaadah-Qaril sadgatah xayyoosoonu waan daro kee qaydarus gabat luk yemeeten.

Yoosuwa 18:2

Israayil ummatak baaxo gee wayteemik uxih malcina kedo ten.

Yoosuwa 18:8

Woo maray dooreenihiyya Yoosuwa fan yemeeteh. Too waqdi Yoosuwa keenik iyyeemihii, «Ama siinih niyaaten baaxoh addat gexam gexa. Baaxo elle tan inna uktubba haay yol baaha. Toh bahtan waqdi, baaxol saami caxxa siinih elle qida inna YALLA essereyyo» keenik iyye. Too mari gexeeh woo baaxo gexam gexak adda akak wagittaay malcina exxal kurra heenih yemeeten. Baaxok kulli exxat magaaloolik tanim uktubba heenih yemeeten. Tokkeek Siilo deqsitta magaalal yen ken ruube Yoosuwa fan yemeete.

Yoosuwa 19:51

Sek Alqedar kee Nuun-Yoosuwa kee Israayil makaabon Siilô magaalal Israayil-kedoodah baaxo kurra heen. Tokkel Yallih Nabnah-Siraqak culmal, saami caxxa keenih qidak, woo saami caxxal YALLI akah iyye numuh acayuk, baaxo tonnal keenih yeceen.

Yoosuwa 21:2

Toh elle tekkem, Kanqaan baaxol geytimta Siloc deqsitta magaalak ten. Yemeeten waqdi keenik iyyeenimih, «YALLI Muusak, ‹Leewih yooboke marah dabaaqah elle gacan magaalooli kee, lacti malaalah baaxoy dariifal tanihiyya keenih ucuy› 'yaanam iyyeh yeneeh; too baaxo ta saaku neh taceenimi» 'yaanam iyyen.

Yoosuwa 22:12

Siilo deqsita aracal gaabooweeniih, qeebi keenit abaanamal malseeni'mmay,

Yoosuwa 22:19

Sin baaxo qibaada elle aban baaxo akke waytek, amay nanu elle nan baaxol ne'lih gacaay, tokkel YALLIH Qibaadah-Siraq elle yan aracal kaa uqbuda. Takkay immay YALLAY nee doorehiyyah dumaak xisne aracay sadgat elle abnahiyyak kalih aracay sadgat elle abaana mahaysitina. Toh abteenik, YALLIH yab cina mara akkettoonuuh nek kaadu naqboytit akketton.

Yoosuwa 22:9

Ruuben kee Gaad kee garab yakke Manasseh yooboke mari isi baaxo fan tonnal yuduuren. Raqte Israayilih yooboke mara Kanqaan rasuk Siilo deqsita aracal elle cabeeniih; isinnih isinni baaxoy Ordon weeqaytuk ayrô-mawqa le kabut raqta fan gexen. Ken baaxo migaaqah Gilqad deqsitak ten. Too baaxoh keenih teceem Muusak teneeh; Muusak keenih ucuya intem YALLA.

Makaabon 18:31

Yalla elle yaqbuden siraq Siilo deqsita aracal udduruk suggu 'yem, a ceeloy duma Miika luk sugehiyya kaadu Daan magaalal elle sugte.

Makaabon 21:12

Too mari Yaabes magaalal bikirit yan baxuuwuk affara boolih baxuwwa geen. Too baxuw Siilo fan baahen. Siilo Kanqaan magaalak ten.

Makaabon 21:19

Sarrak cubbussa heen waqdi, Siilô magaalal kulli sanatal YALLIH qiidih edde asan ayro xayyowteh tanim kassa heen. Siilô-magaala Beetal deqsitta magaalak kilbat le kabut raaqak teneeh, Leboonâ-magaalak kaadu gabbi-qaxat raaqak ten. Beetal kee Seekem magaalak fan gexa gitak ayrô-mawqa le kabut raaqak ten.

1 Samuwel 1:24

Sarrak anguk kaa mollasse saaku, Siilo fan kaa beyte. Gabat kaadu sidooca karmat yan awur kee, darok tabna kiilo kee, qinabak bicsen kamrik kibuk yan saar luk gexxe. Samuwel Siilol yan YALLIH Qibaadah-Qari fan been saaku qunxuk yen.

1 Samuwel 1:3

Kulli sanatal Elkaana, Raama akak iyyan baaxook, Siilo deqsitta magaala fan, YALLAY Nabaamak Nabahiyya yaqbude'gidiiy kay sadgat aba'gidih, amaatuk yen. Tokkel Qeli deqsita numih xayloy migooqah Cofni kee Fincas deqsittahiyya YALLIH seekah yenen.