Yoosuwa 17:15 - NABUWWA KEE MALIKWA

¹⁵ Yoosuwa keenil gacseemih, «Kaxxam temeggeeniih Efrayim rasuk qaleela mango exxa siinik daggowtek, wonnal Feriidah yooboke mara kee Rafaayim akak iyyan marih baaxoy garboh tanihiyya gexaay too garbo irgiqqa haay booxa abba haay elle gaca» keenik iyye.

Yoosuwa 17:15 ပူးပေါင်းရင်းမြစ်များ

2 Samuwel 18:6

Tohuk lakal Dawud-qaskar Israayil-marih qeebih, qeebi-booxa fan gexxeeh; Efrayim deqsitta garbol qeebi keenit aben.

2 Samuwel 5:18

Filistiin-mari Refaayim Golo deqsitta golo gufen waqdi elle yinfiddigen.

2 Samuwel 5:22

Filistiin-mari kaadu qagteh yemeeteeh Refaayim-Golol yinfiddigen.

Qedra 9:1

Tohum inkih abeenik lakal, Israayilik saqoltih yan marak garab yemeeteeh, yok iyyeenimih, «Seeka kee Leewih yooboke mara kee kalah tan ummatta, a cuggaaneh keenik yan mara kee oson edde asan umâ-yabulih tan qaadoodik yaxxeeroonu cineenih. Too maray keenik cuggaaneh yanihiyya duma a baaxol sugen Kanqaan kee Ciita kee Feriida kee Yabuusa kee Qammon kee Mooyab kee Masri kee Amoora mari abak suggu 'ye umâ-yabulih tan taama aban.

Yoosuwa 17:14

Yuusufuk rade mari Yoosuwal yemeeteeh kaak iyyeemihii, «Baaxok dibuk inki exxâ-baxa neh akah teceem macaay? YALLI barkat net heeh nee yeymeggeeh kaxxam manginok» kaak iyyen.

Yoosuwa 17:16

Too waqdi Yuusufuk radde Efrayim kee Manasseh yooboke mari Yoosuwak iyyeemih, «Qaleela le baaxo nek qunxaah; takkay immay Kanqaan maray booxaaxah tan baaxol yanihiyya birtak bicsen gaariiray carbi edde abaanahiyya lon. Too mari elle yanim, Beet-San deqsitta magaala kee tet dariifal tan gaandoodi kee tonnah Yidraqel-Daqar deqsita aracak ten» kaak iyyen.

Makaabon 17:1

Dumah yan saaku Miika deqsita num suge. Too num dabqah Efrayim rasuk qaleela mango baaxol suge.