Yoosuwa 15:9 - NABUWWA KEE MALIKWA

⁹ Tokkek xabba haanam cuduud keenik Neftowa deqsita buyyik bisoh gexak Qefron qaleh xaqul tan magaaloolih amma 'yaanam fan gufe. Tokkeek Baqala deqsitta magaalay a saaku Kiryat-Yaqaarim deqsittahiyya fan makka 'yaah;

Yoosuwa 15:9 ပူးပေါင်းရင်းမြစ်များ

2 Samuwel 6:2

foocat gacca 'yeh, Yallih Qahdi addat akak yan Sandug, Baqla deqsita aracay Yuudâ rasul yanihiyyak baaha'gidih, gexe. Woo Sandug migaq akak lem, Nabaamak Naba YALLAY dardaarinni-korsi akak galwa leemik daga le kabu raqtahiyya.

1 Aydaad 13:6

Sarrak Dawud kee too mari YALLIH-Qahdih-Sandug baahaana'gidih, duma Baqla deqsitak ten magaalay sarra Kiryat-Yaqaarim 'yaanam migaaqah akah yeyyeeqeenihiyya gexeeniih; too Sandug Yarusalaam fanah baahen. Kiryat-Yaqaarim elle tenem, Yuudâ-rasuk ten. Too sanduguy Yarusalaam fanah baaheenihiyya migaq akak lem, YALLAY dardaarinni-korsi akak galwa leemik daga le kabu raqtahiyya.

Yoosuwa 15:29

Baqala kee Qiyim kee Qexem kee

Yoosuwa 15:60

Kiryat-Baqalay a saaku Kiryat-Yaqaarim deqsitta kee Rabba deqsitta namma magaala kenim tekke. Toh lih kaadu woo namma magaalah dariifal sugga 'te gaandoodi inkih kenim tekke.

Yoosuwa 18:15

Gabbi-qaxat raaqa cuduud keenik Kiryat-Yaqaarim deqsitta magaalak qimbisaah; tokkeek Neftowa deqsitta buyyitte fanah gufa.

Yoosuwa 9:17

Too waqdi Israayil mari safarah ugteeh; sidiica ayrok lakal, Gibqon mari elle suge magaalooli gufen. Woo magaaloolih migaq Gibqon kee Kafiira kee Beerot kee Kiryat-Yaqaarim deqsitta magaaloolik ten.

Makaabon 18:12

Gaaduh daqaarimeeniih, Yuudâ-rasul Kiryat-Yaqaarim deqsita magaalak ayrô-culma le kabuk raaqe aracal yinfiddigen. Too aracak ta saaku fanah migaaqah Daan-Mafdaga 'yaanam iyyan.

1 Samuwel 6:21

Kiryat-Yaqaarim marah fan farmo ruubeeniih iyyeenimii, «Filistiin mari YALLIH Qahdi addat akak yan Sandug gacseenihik, amay beya» keenik iyyen.