Yoosuwa 15:7 - NABUWWA KEE MALIKWA

⁷ Tokkek bisoh gexak raaqaah Gadaamâ Golo deqsitta golok Dabiir deqsita arac fan gufak yen. Tokkeek kilbat fanah makka 'ta waqdi, Gilgal deqsitta magaalay Adummim Daaba deqsita aracat foocah raqtahiyya fan gufa. Adummim Daaba golok gabbi-qaxat raqta. Tokkeek bisoh gexak, Qensemes buyyi deqsita buyyiik bukka 'ta waqdi, Qenrogel deqsita arac gufa.

Yoosuwa 15:7 ပူးပေါင်းရင်းမြစ်များ

2 Samuwel 17:17

Abiyataar-baxay migaaqah Yonaatan deqsitak yenehiyya kee Saaduk-baxay migaaqah Acimqax deqsitak yenehiyya Qenrogel deqsita buyyiy Yarusalaam-magaalak dago xexxar baxa le ikkel yanihiyyah garil gaceenih yenen. Wokkel akah gaceenim, woo magaala sahda ken abalih culaanamih meysik ten. Buxah addal taamitta baxuwwa keenil amma 'taah tikki 'tam kulli waqdi keenih warisak ten. Oson kaadu tohim kulli waqdi Malik Dawud fanah gexak kaah warisak yenen.

1 Malikwa 1:9

Ayrok teena Qadoona, Qenrogel deqsita buyyih garil yen xaay Docelet deqsitahiyyal illiiy awurwa kee, nagay mulkuqusen rugaage sadgatah qide. Too sadgatah Suleemanak kalih tooboko kee, malik gubal taamita maray Yuudâ-rasuk yemeetehiyyah inkih seece.

Yasaqya 65:10

Yol xayyoowam faxa marah, ‹Gadaama› deqsitta golo lac nookisa arac akkele. Saron migaaqah le booxa saq yaloole arac akkele» 'yaanam axcuk YALLI yaabe.

Yoosuwa 10:43

Tohuk gaba kalen waqdi, Yoosuwa kee kay qaskar woo elle yinfiddigeenih yenen aracay Gilgal deqsita fan yuduuren.

Yoosuwa 15:15

Tokkeek Dabiir deqsitta magaalal yan mara yabbixe'gidih gexe. Too dabaanal ta magaala migaaqah Kiryat-Sefer deqsitak ten.

Yoosuwa 15:6

Tokkeek Beet-Cogla deqsita arac fan maadda haak lakal, Beet-Qaraba deqsita aracak kilbat le kabuk gacca 'yeh, Bohan-Xaa deqsita xaa elle yen arac fan gufak yen. Bohan, Ruuben-baxaay; a arac kay migaaqal muggaaqisen.

Yoosuwa 18:17

Tokkeek cuduud keenik kilbat le kabul Qensemes deqsita arac fanah yamaate. Tokkeek Gallot deqsitta magaalay Adummim Daaba deqsita aracat foocah afkunuk raaqahiyya fanah yamaate. Tokkeek cuduud Bohan-Xaa deqsita xaa fan gufa. Bohan, Ruuben-baxaay; a xaa kay migaaqal muggaaqisen.

Yoosuwa 4:19

Ummatta Ordon weeqaytuk sanatak naharsi alsak tabanhaytoh ayrol tewqeeh; Gilgal deqsita aracay Yerikô-magaalak ayrô-mawqa le kabut raaqahiyyal yinfiddigen.

Yoosuwa 7:24

Yoosuwa kee raqqa 'ye Israayil mari inkih yakkeenimik Qaakan yibbixeenih, kaa'lih kaadu beeh suge lakqooy rarayto kee dahab edde yibbixen. Toh lih kaadu kay xaylooy kay laay kay danoonaay illiiy siraq kee kalah kaadu luk suggu 'yem inkih Gadaamâ Golo deqsitta golo fan been.

Yoosuwa 7:26

Amol kaak qalumuk fayya 'ta caddol xeet sittin bagul xiseeniih; woo xeet a saaku fan elle yan. Woo arac a saaku fanah migaaqah Gadaamâ Golo deqsita. Tohuk lakal YALLIH kaxxa bagcarra xamacteh.