Yoosuwa 15:63 - NABUWWA KEE MALIKWA

⁶³ Tonna'mmay Yuudah yooboke mari Yarusalaam addal yen Yabuusa deqsita mara woo magaalah addak yayyaaqoonu maduudinnon. A saaku fanah woo mari woo magaalal ken lih dabaaqah yanin.

Yoosuwa 15:63 ပူးပေါင်းရင်းမြစ်များ

1 Aydaad 8:28

Too mari inkih gulubwah saqoltih yen maraay; Yarusalaamal daffeyak yenen. Ken migooqa kitaabal tunkuttubeh ten.

Yoosuwa 15:62

Nibsan kee Qasbo-le-Magaala kee Qengeedi deqsitta lica magaala kenim tekke. Tohuk kalah woo magaaloolih dariifal sugga 'te gaandoodi kaadu kenim tekke.

Yoosuwa 15:8

Too aracaak Hinnom-Golok qaxa-qaxa gacca 'yah, gabbi-qaxak Yarusalaam deqsitta magaalay Yabuusâ mari elle yanihiyya fan gufa. Tokkeek cuduud keenikii, Hinnom deqsitta golok ayrô-culma le kabut raqta koomah amoh amma 'yaanam guffa haah, tokket yaade. Tohumuu, Refaayim Golo deqsitta golo kilbat le kabuk edde taadee aracak ten.

Makaabon 1:21

Benyam marah tu gactek, Yabuusah yooboke maray Yarusalaam addal sugehiyya woo magaala yibbixen saaku mayyaaqinnon. Tonna-leemiik Yabuusâ-mari, Benyam-mara lih too magaalal elle raaqen.

Makaabon 1:8

Yuudah yooboke mari Yarusalaam magaalat qeebi abeenih, woo magaala woo qeebit yibbixen. Magaalal suge mara qideeniih, magaalat gira ruuben.