Yoosuwa 15:2 - NABUWWA KEE MALIKWA

² Gabbi-qaxat cuduud edde aadayuk yenem, Rabe Bad deqsita badak gabbi-qaxa raqta exxa.

Yoosuwa 15:2 ပူးပေါင်းရင်းမြစ်များ

Yasaqya 11:15

YALLI, Qasa badih exxay Masrit xayihiyya bayseleeh; Furaat weeqaytu kafsa'gidih laqin caacay ruubele. Ummatta ibah akak tabta'gidih kaxxam qunxaamak malcina buyyi raaqele.

Yacedkel 47:18

«Ayrô mawqa le kabu raaqa cuduud akak ugtam, kilbat qaxat raqta exxay Damasko kee Cawran fanal geytintahiyya. Toh kaadu, Ordon weeqaytuy ayrô culmak Israayil rasu kee ayrô mawqak Gilqad rasih fanal geytinta exxat raaqahiyya. Tokkeek, Tamaari deqsita aracay Rabe badih xaqul geytimahiyya gufa.

Yacedkel 47:8

Too waqdi yok iyyeemih, «A weeqayti ayrô-mawqa le kabuuk addah Ordon weeqaytu fan ooba. Tokkeek Rabe Bad deqsita bad fanah ooba. Rabe Bad fanah ooba waqdi, woo bad luk sugeh yan qasbo cabaah badliitah maraaqa.

Yoosuwa 15:1

Yuudak rade mari baaxok isi xexxar geeh. Geen baaxo mangah akkuk tenem magideey inteenik, bacarih tan baaxok Xiin deqsita aracay gabbi-qaxak xer exxat raqqa 'yahiyya fan gufak ten. Tohumuu, Edom marih cuduud edde yaade ikkek ten.

Yoosuwa 15:3

Tokkeek cuduud Igix-le-Daaba deqsita aracak gabbi-qaxa le kabuk gacca 'yeh, Xiin deqsita bacarih tan baaxo fan guffa haak, Kaadis-Barniqa deqsitta magaalak gabbi-qaxat raqta baaxo gufak yen. Tokkek cuduud keenik Cesram deqsitta magaalak adda gacca 'yeh Addar deqsitta magaala maadak yen. Tokkeek kaadu Karkaq deqsitta magaala fanah makka 'yah

Yoosuwa 3:16

weeqayti lee caxitak maraaqinnaay, Xartan deqsita aracak darrel ten Adam deqsitta magaalal gaabowte. Rabe Bad deqsita bad fan caxitak sugte lee inkitanuuk tiggiriqeh. Too waqdi sinam inkih woo lee sinni kafin baaxol gexxeeh; seekay Qahdi-Sandug quukah tabbixehiyya, Ordon weeqaytuk gudey kafinuk raqtehiyyal, ummatta inkih taturra intam fan soolak sugte. Sinam inkih Yeriko deqsitta magaalah gariik Ordonuk tabte.