Yoosuwa 15:10 - NABUWWA KEE MALIKWA

¹⁰ tokkeek Baqala magaalak ayrô-culmat raqta baaxo gexxa 'tam gexakaa, Edom rasuk qaleela mango arac fan gufa. Tokkeek cuduud keenik Yaqarim qaley a saaku Kasaalon deqsittahiyyak kilbat fan gexak raaqa. Too qalek obba 'yaah Beet-Semes magaalak bisoh gexak Timna deqsitta magaalal yamaate.

Yoosuwa 15:10 ပူးပေါင်းရင်းမြစ်များ

2 Samuwel 6:2

foocat gacca 'yeh, Yallih Qahdi addat akak yan Sandug, Baqla deqsita aracay Yuudâ rasul yanihiyyak baaha'gidih, gexe. Woo Sandug migaq akak lem, Nabaamak Naba YALLAY dardaarinni-korsi akak galwa leemik daga le kabu raqtahiyya.

2 Malikwa 14:11

Amaxya too yab kaak cineh. Too waqdi Malik-Yahoqas isi kee isi marah gaaduh kaah gexeeh, Beet-Semes deqsita aracal qeebi kaat abe. Beet-Semes Yuudâ-baaxol geytima araca.

2 Aydaad 28:18

Filistiin mari kaadu Yuudâ rasuk gabbi-qaxat raaqa rakaakay kee ayrô-culmat raqta mango koomaami le baaxol tan magaalooli wararen. Ta mari, Beet-Semes kee Ayyalon kee Gadeerot deqsitta magaalooli qeebit xabbaay isinni gabat raaqissa heen. Tonnah kaadu, Sooko kee Timna kee Gimdo deqsitta magaalooli kee ken dariifal sugte gaandoodi edde yibbixen. Sarra, wokkel elle nooken.

Yoosuwa 15:11

Tokkeek cuduud keenik Ekron magaalak kilbat le kabut raqta qale fan bacakkuh gexxa 'yaah, Sikkaron deqsitta magaalak Baqala deqsitta qaleh xaquk taturra 'yaah bisoh Yabneel deqsita arac fan yamaate. Cuduud keenik Maditraaniyah badat yaade.

Yoosuwa 15:57

Kayin kee Gibqa kee Timna deqsitta tabna magaala kenim tekke. Too magaaloolik kalah a magaaloolih dariifal enna 'ta gaandoodi kaadu kenim tekke.

Yoosuwa 19:38

Yiron kee Migdalel kee Corem kee Beet-Qanat kee Beet-Semes deqsitta magaalooliy taban kee sagaala takke kee, a magaaloolih dariifal tan gaandoodih agantah keenih yeceen.

Yoosuwa 21:16

Qayin kee Yutta kee Beet-Semes deqsitta magaalooli. Tittat Yuuda kee Simqaan magaaloolik sagla magaala kee too magaaloolih dariifal tan lacti malaalah baaxo keenih yeceen.

Makaabon 14:1

Ayrok teena Samsoon Timna deqsitta magaala gexeeh; inki Filistiinih tooboke baxuwwa yuble.

Makaabon 14:5

Tonna leemiik Samsoon, abba kee ina lih, Timna deqsitta magaala safarah gexen. Qinab cooxih addak gaceeh gexak suge waqdi, cunxusa lubak garadah yoobbe.

1 Samuwel 6:9

Gexxa waqdi wagitak raaqa. Too waqdi Beet-Semes magaala fan gexxam tubleenik, woo bala nel rubtem Israayil YALLA kinnim elle ixigaay; wonna hinna'mmay, wokke fan gexe waytek, usuk nel ruubem hinnay, isih nel tekkem kinnim elle aaxigenno» keenik iyyen.