Yoosuwa 13:9 - NABUWWA KEE MALIKWA

⁹ Cuduud keenik Qarooqer magaalay Arnon golok amol tanihiyya fanah gufak yen. Woo golok gudet tan magaala kee Medaba kee Dibon deqsitta mandarwak fanal tan booxah tan baaxo inkih ken baaxo tekke.

Yoosuwa 13:9 ပူးပေါင်းရင်းမြစ်များ

2 Samuwel 24:5

Ordon-weeqaytuk tabba 'yeenih, golô-gudel tan magaala kee Qarooqer deqsitta magaalal loowo qimbisen. Sarrak Gaad-rasuk tabeenih, kiblatat raqta Yaqder deqsita arac fan gexen.

1 Aydaad 19:7

Soddom kee namma alfih faras-gaariy kirah baaheeni kee, Maqka deqsita rasih malik kee kay qaskar temeeteeh, Medaba deqsitta magaalah xaqul yiffidigen. Qammon mari kaadu, elle enna 'ya ikkek, qeebih yewqeeh bical gace.

Nacmiya 11:25

Buqre elle lon aracal xayi magaaloolil dabaaqah gace mara kee ken magaaloolih migaq ah kaana. Yuudah yaabuke mari dabaaqah elle gacem, Kiryat-Arbaq deqsitta magaala kee Dibon kee Yakabaxal deqsitta magaala kee woo magaaloolih dariifal tan gaandoodik ten.

Yasaqya 15:2

Dibon mari qibaada-elle-aban-qale yewqeenih, sadgat elle aban aracih garil weeqan. Mooyab mari, Nabo kee Medabâ-magaalah-marah boogisaanaah rookitan. Rookah amo kee deben isinnik mooleenih.

Ermiyaas 48:18

«Mooyab rasu bayisu waa num yemeeteh yan. Gaso maroh edde tan magaalooli bayse. Tonna kinnuk Diboonul yan maraw, ama elle tanton kaxxa aracak ugutay. Annah amay guddaafak bagul daffeya.

Ermiyaas 48:22

Dibon kee Nabo kee Beet-Diblatayim kee

Ermiyaas 48:8

A naqboytit baahu waa baatik tu maraqta. Magaalooli inkih bayselon. Goloh addal tanim bayselon; gubbil tanim macabaanay bayselon. Tahat yabtam yoo YALLA» 'yaanam iyye.

Yoosuwa 12:2

A namma malikik, malikik teeni migaaqah Sicon deqsitak yeneeh; malikih elle yenem, Amoorâ-marih baaxok ten. Too malik dabaaqah elle yenem, Cesbon deqsitta magaalak ten. Gilqad rasuk garab kay xintoh yen. Tohumuu, Arnon Golo deqsita aracak arut tan Qarooqer deqsitta magaala kee woo goloh gudel tan gersi magaalak xabba haanamaay Yabbok weeqaytuy Qammon marih cuduuduh yanihiyya edde anuk tan baaxo gufak ten.

Yoosuwa 13:10

Tohuk kalah cuduud keenik Qammon marih baaxok cuduud edde idiyya iyya ikke fanah gufak yen. Amoorâ-malikiy Sicon deqsitak yeneeh dabaaqah Cesbon deqsitta magaalal sugehiyya elle ackamuk yen magaaloolih agantah keenih kure.

Yoosuwa 13:16

Baaxo keenik Arnon golok amol tan magaalay Qarooqer deqsittahiyyak xabba haanamaay woo golok gudel tan magaala kee Medaba deqsitta magaalak dariifal tan booxaaxah tan baaxo inkih kenimik ten.

Yoosuwa 13:8

Ruuben kee Gaad kee Manasseh yooboke marak garabah, YALLIH naqasuh yen Muusa, dumal elle, baaxo kureh suge. Tohumuu, Ordon weeqaytuk ayrô-mawqa le kabut raaqa aracak ten.