Yoosuwa 13:8 - NABUWWA KEE MALIKWA

⁸ Ruuben kee Gaad kee Manasseh yooboke marak garabah, YALLIH naqasuh yen Muusa, dumal elle, baaxo kureh suge. Tohumuu, Ordon weeqaytuk ayrô-mawqa le kabut raaqa aracak ten.

Yoosuwa 13:8 ပူးပေါင်းရင်းမြစ်များ

Yoosuwa 12:1

Muusa yen saaku, Israayil mari Ordon weeqaytuk ayrô-mawqa le kabuk Arnon Golo deqsita arac kee Cermon deqsitta qale fanat tan baaxo qeebit yibbixen. Tonnal Ordon weeqaytuk ayrô-mawqa le kabut raqta baaxo ken baaxo tekke. Too baaxol suge namma malik yibbixen.

Yoosuwa 12:6

Ta namma malikik qeebil iissa 'teh baaxo keenik raaqissem, Muusa kee Israayil ummatak ten. YALLIH naqasuh yen Muusa a baaxo Ruuben kee Gaad deqsitta namma kedo kee, Manasse deqsitta kedok kaadu garab yakke marah keefeeh, ikoytah keenih yecee.

Yoosuwa 13:7

Tama baaxo Israayilik sagla kedo kee Manasseh yooboke marak kedok garabay raaqehiyyah a waqdiik ixigaay ken xexxar keenih waris» kaak iyye.

Yoosuwa 13:9

Cuduud keenik Qarooqer magaalay Arnon golok amol tanihiyya fanah gufak yen. Woo golok gudet tan magaala kee Medaba kee Dibon deqsitta mandarwak fanal tan booxah tan baaxo inkih ken baaxo tekke.

Yoosuwa 22:4

YALLAY sin Dagelta kinnihiyya kaadu isih cule xagana siinih duudusseeh; Israayil maray sin toobokoh yanihiyyah amaan yecee. Duma YALLIH naqasuh yen Muusa, Ordon weeqaytuk ayrô-mawqa le kabut raqta baaxoy qeebit nibbixehiyya siinih yeceeh yen. Tahaysa too baaxol tan sin dabqa fanah uduura.

Yoosuwa 4:12

Muusa keenik elle iyye innal, Ruuben kedo kee Gaad kedoh yooboke mara kee Manassê-kedoh yooboke marak garabay qeebih bical gaceh sugehiyya gersi marak naharat gexen.

1 Samuwel 13:7

Aki mari keenik kaadu Ordon weeqaytuk gacca 'yeenih Gaad kee Gilqad deqsita arac fan gexen. Saawul toh tekke waqdi Gilgalal yeneeh, kaa'lih yen mari meysih axaxitak yen.