Yoosuwa 13:6 - NABUWWA KEE MALIKWA

⁶ Abbixe'kal tanin baaxot, Sayda akak iyyan marih baaxo edde tan. Tohumuu, qaleela le baaxoy Lubnaan qaleela kee Misrafot-Mayim deqsita aracal fanal geytimtahiyyak ten. Israayil mari gutuqak fooca fanah elle yamaateenimil, anu a mara baaxok ayyaaqeyyo. Tonna'mmay ta baaxoy anu keenih abbaxu waahiyya atu a waqdiik keenih ixigaay ken xexxar keenih waris.

Yoosuwa 13:6 ပူးပေါင်းရင်းမြစ်များ

Yoosuwa 1:6

Anu sin kaxxa abbobtik, ‹Siinih aceeyyo› axcuk xagana keenih akah culeh suge baaxo tabbaxoonu waytan saaku ken abba akketto'mmay, a taamal digga xicaay agaagul akak cab» kaak iyye.

Yoosuwa 11:12

Yoosuwa amoytitte elle sugte magaalooli kee woo magaaloolih malikwa inkih yibbixeeh; Muusay YALLIH naqasuh yenehiyya elle inxicca 'ye innal, tokkel suggu 'ye mara inkih qideenih.

Yoosuwa 11:8

YALLI Israayil mara qeebil keenik yiysiiseh, ken gabal ken hee. Israayil mari Misrafot-Mayim kee Sayda deqsitta baaxo fan ken ayradduk been. Tohuk kalah kaadu Mixfâ Golo deqsitta baaxoy ayrô-mawqa le kabut raqtahiyyah amma 'yaanam fan xiiriyak ken been. A maray Israayilik naqboytiitih yenehiyya saabo cabba haam fanah qeebi gexak suge.

Yoosuwa 13:7

Tama baaxo Israayilik sagla kedo kee Manasseh yooboke marak kedok garabay raaqehiyyah a waqdiik ixigaay ken xexxar keenih waris» kaak iyye.

Yoosuwa 23:13

tonnal YALLAY sin Dagelta kinnihiyya a mara baaxok siinih mayayyaaqa. Takkay immay ta mari edde raddoonu waytan oflo siinil akkelon. Keetalat yoogoren numih xiiroonuh daleh inna siinil akkelon. Intih addat rade keenah gide siinil akkelon. A niqmatah tan baaxoy YALLI siinih yeceehiyyah inki num cabba haytaanam fan tamah siinit akkuk sugele.

Yoosuwa 23:4

Ordon weeqaytuk xabba haanamaay Maditraaniyah badah amma 'yaanam tan baaxo sin marah eceeh an. Qeebil akak iissa 'ne marih baaxo siinih eceeh aniih; uxih qeebi edde abe wayten marih baaxo kaadu, siinih eceeh an.

Yoosuwa 23:5

YALLAY sin Dagelta kinnihiyya, sin yabloonu waan waqdi akah kudan innah keenik abele. Ken baaxok siinih ayyaaqele. YALLI qahdi siinih akah cule innah, ken baaxo sinim abele.